2023-09-24 [11:53 AM]

گەلێ کوردستانێ وەکی هەمی گەلێن جیهانێ مافێ ژیانەکا پر ئازادی و سەربەخوی یا هەی ل سەر ئاخا خودا و گەلەکێ خودان خەبات و بزاڤ و راپەڕین و شورەش و دیروکەکا دێرینا هەمە جورا یا هەی و ل شارستانیەتێ و خوەدی کەلتور و ناسنامە و زمان و جۆگڕاڤیا خویا جودایا دێرینە و یێ بەردەوام بـویە ل بزاڤ و شورەشێن خو ل هەبەر دوژمن و داگیرکەرێن   کوردستانێ ب سەرپەرشتیا رێبەرێ مەزنێ گەلێ کوردستانێ جەنابێ لێڤەگەرێ کوردستانێ سەرۆک مەسعود بارزانی ئەو رێبەرێ مەزنە و پێشمەرگە کو  زێدەتر ژنیڤا سەدەیەکیە بدیف مافێن گەلێ کوردستانێ دا و دەنگێ گەلێ کوردستانێ گەهاندییە زوربەیا  ناڤەندێن سیاسیێن جیهانێ و جیهان ل وێ خەوا دیرور و درێژ هشیارکرییە کو ل هەمبەر گەلێ مە هاتیەکرن و دیروکەکا پر ل سەروەریێ بۆ گەلێ مەیێ بێ پشت و پەنا تۆمارکرییه کە بوییە خەتیرەکا روناکیێ ل رێکا گەهشتن ب ئازادی و سەرفیرازیێ و پاشەروژەکا روناک ئاسویەکێ پر هیڤیێ، سەروک بارزانی ب ئەنجامدانا ریفراندومێ بو سەربەخۆیا کوردستانێ وەکی رێبەرەکێ سیاسی رێنیشاندەر بۆ گەلێ کوردستانێ و دەستکەفتێن دیروکی بۆ گەلەکێ بێ پشت وپەنا تومارکرییە، پشتی چەوساندونا نەتەوەێ کورد پێشێلکرنا مافێن سروشتێن خەلکێ کوردستانێ و سەپاندنا وێ تاریکیێ ئەوا ب سەرگەلێ مە دا هاتی ل سەد سالێن بوریدا ل کوشتن و برین و ب عەرەبکرنێ و لێبرنا ناسنامێ و جینوساید و ئەنفال و کیمیا باران و پاشان پشتی دەلیڤەیێن نو ل پشتی نەمانا رژێما گور ب گوڕ و دەستپێکرن دگەل لایەنێ دەست هەلاتا نویا بەغدا ب مخابنی ڤە هەمان رێرەوێ نەگورێ شوڤینی یێ بەردەوام بوو و پێگیرنەکرن ب رێککەفتنێن دەستوری و برسیکرنێ و برینا بوجە و موچێین خەلکێ کوردستانێ و هەولدان بۆ ل ناڤبرن و لاوازکرنا هەرێمێ و رێگریکرن ل پێشکەفتنا هەرێما کوردستانێ و دیسان هەولدان ب رێکێن رێکخراوێن تیرورستی و درندە مینا رێکخراو تیروستیا داعش، بۆ ژناڤ برنا ڤان دەستکەفتیان، ل هەمبەر ڤێ جەندێ جەنابێ بارزانی دیروکەکا پر سەروەریێ و قەهرەمانیێ تومارکرییە و هەول بۆ دامەزراندنا قەوارییەکێ سەربەخۆ داییە، سەرەرای وان هەمی گەف و فشاران ل سەر ئاستێ هەرێمایەتی و نیڤدەولەتێ کو دگەل بەرژەوەندیێن وان نە دگونجیا، وەکی خوییاییە کێشا کوردی ل چار وەلاتێن هەرێمایەتی هەییە، لێ جەنابێ سەروک بارزانی ب سیاسەتا نەرم میان رەو و حەکیمانە یێ ئامادە نەبوو دەست بەرداری مافێن رەوایێ خەلکێ کوردستانێ بیت، ودەست بدروستکرنا دولەتا کوردستانێ کر برێکێن ئاشتی و دیموکراسی وب ئەنجام دانا ڤی کارێ پیروز سەرۆک بارزانی پەیاما خەلکێ کوردستانێ گەهاندە هەمی جیهانی کو برێکا ئاشتی و دیموکراسیێ داخازا مافێ خو دکەت و دیر ژ تندوتیژیێ مینا سەرکردیێ جیهانی گاندی ،، و ژبەرکو دیموکراسییەت بخۆ  زانینەکە ل پروسەکا دور و دریژ ل دایک دبیت و  سەرەرایێ وان هەمی بەرنگاربوونا بو ئەنجام نەدانا ڤی کارێ پیروز لێ جەنابێ ســـــــــەروکــــی بۆ هەمی خەلکێ جیهانێ سەلماند کو ئەو تنێ پابەندێ دەنگ گەلێ کوردستانێ و لپێناڤ مافێن رەوایێن گەلێ خو مساوەمێ ناکەت و ب بەردەوام دناڤا دیروکا  شورەشگیریێ و نەتەوە یا خودا  دێ ئەستێرەیەکا رون و روناک مینت وجەنابێ سەروکی دڤیا دەولەتا کوردی ل وی  بارودوخی دا بکەتە دورهێل  الواقع، ب بۆجونا مە ئەڤ پێنگاڤێن جەنابێ سەروکی یێن دیروکی ئەگەر ئەو ناپاکی ل گەلێ کوردستانێ نەهاتباکرن دناڤ لایەنەکێ سیاسی ل هەرێما کوردستانێ مینا ناپاکیا ۱٦شازدەی ئوکتوبەرێ کە رێککەفتن هاتبووکرن دناڤبەرا لایەنەکێ سیاسیێ هەرێما کوردستانێ و دوژمن و داگیرکەرێن کوردستانێ کە بوو ئەگەرێ فروتنا ئاخا پیروزا کوردستانێ ب کەرکوکا دلێ کوردستانێ ڤەژی، ئەگەر ئەڤ جەندە ژلایێ وی لایەنێ کوردستانی ڤە نەهاتباکرن رەنگە ئەڤرو ئەم ب بە ختەوەرترین گەلێ روژهەلاتا ناڤین باین ژ هەمی لایەکێ ژیانێ یان ل قوناغەکێ یان ل سەردەمەکێ زێرین داباین، کو بەرهەمێ دیروکا بزاڤا رزگاریخازا کوردستانێ دا نڤشێ ئەڤرودا چنیت.