2023-08-29 [09:03 AM]

وەزارەتی ڕۆشنبیری و گەشتوگوزاری تورکیا ڕایگەیاند، لە ماوەی حەوت مانگی یەکەمی ساڵی 2023 زیاتر لە 600 هەزار گەشتیاری عێراقی ڕوویان لە تورکیا کردووە.

ئەمڕۆ سێشەممە، وەزارەتی ڕۆشنبیری و گەشتوگوزاری تورکیا ڕایگەیاند، "ژمارەی گەشتیارانی عێراقی بۆ تورکیا لەماوەی مانگی 1 تامانگی 7، گەیشتووەتە 604 هەزار و 391 گەشتیار، کەمبوونەوەیەکیش بەراورد بە هەمان ماوەی ساڵی 2022 هەبووە کە 660 هەزار گەشتیار بووە".

ئاماژەی بەوەشکرد، "رێژەی گەشتیارانی عێراقی 2.26%ی ئەو گەشتیارانەی جیهان پێکدەهێنن کە لە ماوەی حەوت مانگی ئەمساڵدا هاتوونەتە تورکیا".

وەزارەتەکە ئاماژەی بەوەشکردووە، "عێراق لە پێشەنگی وڵاتانی عەرەبی هاتۆتە پێشەوە لە ژمارەی گەشتیاران بۆ تورکیا لە ماوەی حەوت مانگی ئەمساڵدا، دوای ئەویش سعودیە بە پلەی دووەم دێت بە 512 هەزار گەشتیار، کوێت بە پلەی سێیەم دێت بە 229 هەزار و 503 گەشتیار، دواتریش". ئوردن بە 226 هەزار و 23 گەشتیار پلەی چوارەمی گرتووە"، پاشان مەغریب بە 141 هەزار و 459 گەشتیار لە پلەی پێنجەمدایە، جەزائیر بە 140 هەزار و 668 گەشتیار پلەی شەشەمی هەیە، لوبنان بە 130 هەزار و 665 گەشتیار پلەی حەوتەمی هەیە.

راشیگەیناد،  "عێراق لەرووی ژمارەی گەشتیارانی بۆ تورکیا، لە پلەی هەشتەمی گەورەترین وڵاتانی جیهان دێت"، ئاماژەی بە "رووسیا، ئەڵمانیا، بولگاریا، جۆرجیا، ئێران، هۆڵەندا و پۆڵەندا، کە لە پێشەنگی وڵاتانی جیهان لەرووی ژمارەی گەشتیارانەوە".

​