 |
|
|||
نوسینی:رێبوارحه‌مه‌لاو شوانی سه‌رۆك بارزانی به دریژایی میژووی ژیانی خه‌باتی كردووه له پێناو رزگاری خاك ونه‌ته‌وه و شوناسی كورد، ئه‌وه‌ی ئه‌مرو رون وبه‌دیارن ته‌عبیرن له‌و خه‌بات ورابردووه پاكه‌ی جه‌نابیان كه بۆته زامنی سه‌ركه‌وتنه‌كان بۆ كورد كه له پاكی و راستگۆیی جه‌نابیان سه‌رچاوه‌ی گرتووه كه جێگه‌ی متمانه‌ی وڵاتان و هه‌موو جیهانی ئه‌مرۆیه، كه به به‌ردوامی له هه‌وڵی په‌یوندی و گریدانی دیپلۆماسییه‌تن له‌گه‌ڵ هه‌رێمی كوردستان له سایه‌ی رابه‌رایه‌تی حه‌كیمانه‌ی جه‌نابیان،كوردوكوردستان سه‌ربڵنده. پارتی هه‌میشه له پێناو سازش نه‌كردن له سه‌ر خاك و ره‌واكانی گه‌له‌كه‌ی به‌رپرسیاریه‌تی قورس و باجی گه‌وره‌ی داوه ، مێژوویش گه‌واهیده‌ره‌كه تەنیا سه‌رۆك بارزانی بوو كە پێداگیری لەسەر سازدانی ئەو پرۆسە دیموكراسییە دەكرد و دەیفه‌رموو ده‌بێ هەڵبژاردن لە كاتی خۆیدا بكرێت، نەیارانی پارتی ویستیان بە ریفراندۆمی سه‌ربه‌خۆیی سزای پارتی بدەن، بێ ئاگا لەوەی كە سەربەخۆیی كوردستان داخوازیی هەموو گه‌لی كوردستانه و بە ریفراندۆمەوە نەبەستراوەتەوە. بارزانی و پارتی بە دیپلۆماسیی و سیاسەتێكی حەكیمانە و وردبینانه، توانی پیلانگێڕی و هەوڵەكانی بچووككردنەوەی قه‌واره‌ی سیاسیی هەرێمی كوردستان لەبار ببات، لەو روانگەوەی هێزەكانی پێشمەرگەش لە داستانی پردێ و سحێلا بەرپەرچی هێرشە داگیركارییەكانییان دایەوە و رێگەیان نەدا لە رووی سەربازییەوە كوردستان داگیر بكەن، بە جۆرێك وانەیەكی وایان بە داگیركەر و خیانەتكار و خاكفرۆشان دا، كە هەتا هەتایە لە بیری نەكەن. بارزانی و پارتی هەر لە رۆژی دامەزراندیەوە هەوڵدان بووە لە پێناو پتەوكردنی پرەنسیپی گیانی دیموكراسی، بەڵام رەوشی سیاسیی هەرێمی كوردستان بە جۆرێك بووە و بە جورێكە رێگر بووە لەبەردەم پراكتیزەكردنیدا، هۆكارە سەرەكییەكەش بریتی بووە و بریتییە لە غیابی شێوازی دامەزراوەیی و یاسا سەروەری، ئەوەندەی حزبە سیاسییەكانی كوردستان بەهۆی بەرژەوەندی حزبیانەوە تاكو ئەمڕۆ گیانی دیموكراسییان فەرامۆش كردووە و حزبایەتی تەسكیان لە سەرەوەی گیانی دیموكراسیدا داناوە، تا پێیان كرابێت دژایەتیشیان كردووە. ئاشكرایه، هه‌موو ئه‌و رووداوانه‌ی له‌م چه‌ند ساڵه‌ی دواییدا به‌روونی هه‌ستیی پێكده‌كرێت و هه‌ر جاره‌وه پاساو سیناریۆیه‌ك له دژی گه‌لی كوردوحكوومه‌تی كوردستان له رووی سیاسی و ئابووری وسه‌ربازییه‌وه ئه‌نجام ده‌ده‌رێت به‌شێوه‌یه‌كی گشت ئامانجیان لاوازكردنی سه‌نگ و پێگه‌ی قه‌واره‌ی هه‌رێمی كوردستان و دواتر ئه‌گه‌ر بۆیان بچێته‌سه‌ر هه‌ڵوشاندنه‌وه‌یه‌تی و هه‌روه‌ها بارزانی و پارتی كه به‌گه‌وره‌ترین به‌ربه‌ستی خۆیان به‌رامبه‌ر جێبه‌جێكردنی ئه‌و پیلانگێریانه ده‌بینن ، به‌تایبه‌ت كه هه‌رێمی كوردستان قه‌واره‌یه‌كی یاسایی وده‌ستووری له هه‌مانكاتیشدا ئالاهه‌ڵگری دیموكراسی وئازادی وئاشتی وپێكه‌وه‌ژیان نه‌ك ته‌نها له سه‌رئاستی عێراق به‌ڵكو رۆژهه‌ڵاتی ناوینیش دا و ئه‌و گه‌شه‌سه‌ندنانه له رووی سیاسی و ئابووری و دیپلۆماسی و دیموكراسی دوژمنان وداگیركه‌رانی تووشی هیستریا و هه‌موو ئه‌و كاردانه‌وانه كردووه كه ئه‌مرۆ به‌رامبه‌ر به قه‌واره‌ی كوردستان و دیموكراسییه‌ته‌كه‌ی ئه‌نجامی ده‌ده‌ن و بارزانی وپارتیش قه‌ڵغانی پۆڵایینی به‌رگریكردنن له‌دیموكراسی وقه‌واره‌ی كوردستان وهه‌موو مافه‌ره‌واكانی. |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad