2023-08-16 [02:49 AM]

لرۆژا ١٦ ێ تەباخا سالا ١٩٤٦ پارتی دیموکراتی کوردستان لسەر دەستێ بابێ کنیاتی و نەتەوەیێ کورد و کوردستانیا مەلا مستەفای بارزانی هاتە دامەزراندن، 
دامەزراندنا پارتی ل دەمەکیدا بوو، کۆ وەڵاتێ ئیرانێ ل شەرێ جیهانیێ دوویێ بێ لایەنی هەلبژارد بوو، لەشکرێ ئەلمانیا نازی ژی ل هەمی بەرەیێن رۆژ ئاڤا و رۆژ هەڵاتا ئەوڕۆپا و رۆژ هەڵاتا ئاسیا و رۆژ هەڵاتا ناڤین دەست ب پێشڤەچوونا کربوو و ل هەمی بەرەیان سەرکەفتنێن مەزن بدەست ئینابوون، لێ لەشکرێ سۆڤیەت شیا هەڤکێشێ بەرۆڤاژی بکەت و لەشکرێ ئەڵمانیا بشکێنیت و  و سۆپایێ سوور بەرەڤ رۆژهەڵاتێ ئەوڕۆپا پێشڕەوی کرن. 
پشتی ئەمریکا هاتیە دناڤ شەرێ ئەوڕۆپا دا ل هاڤینا ساڵا ١٩٤٣ ێ یێ رژا ئەڵمانیا بەرەڤ ئاڤابوونێ چوو.
سۆڤیەت و بریتایا ب فەرمی داخاز ژ ئیرانێ کر  رێکێ بدەنێ ب ئاشتیانە  لەشکرێ دناڤ عەردێ واندا دەرباز ببیت، لێ ڕەزا شاهــ داخازیێن وان رەد کرن، د ئەنجامدا ل ٢٥/٨/١٩٤١ لەشکرێ سوورێ سۆڤیەت ژلایێ خۆ هێرشکرە سەر ئیرانێ و  بریتانیا ژی ژلایێ خانەقین و خۆزستان دەست ب هێرشا کر و ددەمێ شەش رۆژاندا گەهشتنە قەزوینا نێزیکی پایتەختێ ئیرانێ، ب گەهشتنا ڤان لەشکرا  حکومەتا ئیرانێ چ دەستهەڵاتێن سیاسی و لەشکری نەمانو نەچار بوو دەستا بۆ هەڤپەیمانا داهێلیت . 
دوان هەڤڕکیاندا نیمچە ڤاڵاهیەک چێبوو و دەرفەت بۆ سەرهەڵدانا بزاڤێن نەتەوی هاتە پێش و پارتی دیموکراتی کوردستان ــ ئیران لرۆژا ٢٢/١/١٩٤٦ کۆمارا کوردستان ل مەهابات ڕاگەهاند، ل وی دەمی هێزێن بارزانیا بسەرکردایەتیا مەلا مستەفاتیێ بارزانی پشتی شۆڕەشا بارزان یا دوویێ گەهشتبوونە رۆژهەڵاتێ کوردستانێ و ببوونە پشکەکا کاریگەر ل لەشکرێ پارێزەرێن کۆمارا کوردستان و پلا ژەنەڕاڵیێ ب مەلا مستەفای بارزانی هاتبوو دان . 
دڤان ڕەوش و کاودانێن سیاسی و لەشکری نشتیماپەروەر و سیاسیێن کورد و پارت و رێکخراوێن سیاسی کوردستانی، هەبوونا پارتیەکا سەرتاسەری و رێکخستنەکا موکۆم لژێر فەرمان و سەرکردایەتیا سەرکردەیەکێ خودان شیان و ب ئەزموون و کاریگەر  ب فەر و پێتڤی زانی، پارتی دیموکراتی کورد ( کوردستان) بوویە بەرهەمێ وێ هزر و پێتڤیاتیێ و مەلا مستەفای بارزانی ژی خودان ئەو خاسلەت و سەربۆڕێن رێبەربەرایەتیا هەژی و پێتڤی بوو لەوما وەکی سەرۆکێ پارتی هاتە هەلبژارتن، چونکی دناڤ ماڵباتا بارزانا پێشڕەوێن هەست و هزرێن نەتەوەیی و جڤاکناسی و شۆڕەشگێر هاتبوو پەروەردەکرن و هەلکەفتن. 
راستە بۆ ڕەوشا سیاسی و پەروەردەیا نەتەوەیی و نشتیمانیا وی دەمی یا کوردستانێ، هەبوونا پارتی دیموکراتی کوردستان پێتڤیەکا دیرۆکی بوو و زۆر لسەر ڤی بوواری هاتیە نڤیسین، لێ پێتڤیا  هەبوونا پارتی دیموکراتی کوردستان بۆ مرۆڤایەتیێ ئەگەر ل وان وارا زێدەتر نەبیت کێمتر نیە. 
چونکی ب هەبوونا پارتی ئەو چەمکێ مرۆڤایەتیێ یێ رێبازا بارزان لسەر هاتیە دامەزراندن وەک ( خودێ نیاسین، ئێکتر قەبۆلکرن، پێکڤە ژیان، رێزگرتن ل ئایینان، ژینگەهپارێزی، نەهێلانا جوداهیێن ڕەگەزی، مافێ مرۆڤ و خورتکرنا پەیوەندیێن جڤاکی و پاراستنا کلتوورێ ڕەسەنێ کوردەواری و ....هتد)  دناڤ پارتیا دیموکراتا کوردستانێ کۆمکرن و ئێکستنە دچارچۆڤەکێ رێکخستی و قانوونیدا بۆ خزمەتا دۆزا رەوایا خەلکێ کورستانێدا و رێکا بدەست ئینانا ماف و داخازی و ئارمانجێن نەتەوەیی و نشتیمانی د چارچۆڤێ پلانەکێدا رێکخستن. 
ئەڤرۆ ژی پشتی بۆرینا ٧٧ ساڵا بسەر دامەزراندنا پارتی، پارتی هەمێزا وان پێتڤیاتیا کریە و مرۆڤ پەروەری و مرۆڤسازی و ئارمانج و پەیڕەوێ پارتی نە، ب هەبوون و داکۆکیێن پارتی مرۆڤێن کوردستانی هەست ب هەبوونا خۆ و مافێن خۆ یێن مرۆڤایەتی دکەن، چونکێ شەرێن پارتی یێن قانوونی و دەستووری و چەکداری ژی مرۆڤێن کورد و مرۆڤایەتیا کوردستانێ پاراستی یە، بۆ نموونە پشتی نەمانا دەستهەڵاتا پارتی ل دەڤەرێن کوردستانی یێن دەرڤەی ئیدارا هەرێما کوردستانێ، ژبلی ئازادیێن سیاسی، مافێ مرۆڤایەتی بەردەوام دهێتە بنپێکرن، نەخاسمە یێن کوردا، لسەردەمێن شۆڕەشا مەزنا ئلوونێ ژی، پارتی مەزنترین شۆرەشا مرۆڤسازیێ و تێکەلیێن مرۆڤایەتی درۆست کرن، چونکی ب وێ شۆڕەشا خەلکێ خانەقین و دهۆک و هەولێر و سلێمانی و ....هتد د ئێک سەنگەر و شکەفتدا کۆمکرن و گەهشتە ئاستێ خزمایەتیەکا نێزیک و هەتا نهۆ ژی ئەو پەیوەندی مانە. 
دیرۆکا ٧٧ ساڵیا پارتی دیار دکەت کۆ هەبوونا پارتی پێتڤیەکا مرۆڤایەتی بوویە بۆ هەمی خەلکێ کوردستانێ ب هەمی ڕەنگ و ئایدیاڤە، مرۆڤێن کوردستانی هەست بڤێ چەندێ کریە، لەوما هەتا نهۆ پتریا رێژا مرۆڤێن کوردستانی پارتی هەلبژاتیە وەکی پارێزەرا مرۆڤایەتیا خۆ .