 |
|
|||
ZNA - هەولێر ئەمڕۆ دووشەممە، فوئاد حوسێن، وەزیری دەرەوەی عێراق، گەیشتە میسر بۆ بەشداریکردن لە کۆبوونەوەکانی لیژنەی پەیوەندیی کۆمکاری عەرەبی. گوتەبێژی وەزارەتی دەرەوە، ئەحمەد سەحاف لە راگەیەندراوێکدا رایگەیاند، "فواد حوسێن، جێگری سەرۆکوەزیران و وەزیری دەرەوەی عێراق ئەمڕۆ دووشەممە، گەیشتە میسر بۆ بەشداریکردن لە کۆبوونەوەکانی لیژنەی پەیوەندییەکانی کۆمکاری عەرەبی، کە سبەی سێشەممە بەڕێوەدەچێت." کۆبوونەوەکە بە بەشداری جێگری سەرۆکوەزیرانی ئوردن و وەزیری دەرەوەی ئوردن، ئەیمەن سەفادی، وەزیری دەرەوەی سعوودیە، شازادە فەیسەڵ بن فەرحان، وەزیری دەرەوەی میسر، سامح شوکری، و وەزیری دەرەوەی لوبنان، عەبدوڵڵا بو حەبیب، بەرێوەدەچێت، بۆ هەڵسەنگاندنی دۆخی سووریا. ئاماژەی بەوەشکرد، ئەندامانی لیژنەی پەیوەندییەکان لەگەڵ فەیسەڵ مقداد، وەزیری دەرەوەی سووریا کۆدەبنەوە بۆ گفتوگۆکردن و بەدواداچوون بۆ ئەو بڕیارانەی لە کۆبوونەوەکانی پێشوودا دراون و لێکۆڵینەوە لە پێشهاتەکانی سووریا دەکرێت. ئەم هەواڵە 673جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad