 |
|
|||
ZNA-هەولێر ئه‌نجوومه‌نی ده‌وڵه‌ت ته‌واوبوونی وردبینی رێنوێنییەكانی جێبه‌جێكردنی بودجه‌ی سێ ساڵی داهاتوو رادەگەیەنێت. ئەندامێكی لیژنەی دارایی پەرلەمانیش زانیاریی دەخاتە ڕوو.ئاژانسی هەواڵی فه‌رمی عێراق بڵاوی كرده‌وه: "ئه‌نجوومه‌نی ده‌وڵه‌ت ئاشكرای كرد، وردبینی بودجە بە ئامادەبوونی تەیف سامی وەزیری دارایی عێراق و نوێنەرانی وەزارەت پلاندان و چەند لایەنێکی دیکە کۆتاییهاتووە."ئەنجومەنی دەوڵەت جەختی كردووەتەوە: "پڕۆسەی وربینی بودجەی سێ ساڵی داهاتووی عێراق کۆتایی هاتووە و ئاسانکاری بۆ جێبەجێکردنی کراوە و بودجەکە بۆ ساڵاانی 2023 و 2024 و 2025 دەبێت.د. نەرمین مەعرووف، ئەندامی لێژنەی دارایی پەرلەمانی عێراق، بە (باسنیوز)ی ڕاگەیاند: "ئەو كارەی ئەنجوومەنی دەوڵەت ، مانای وابە وه‌زاره‌تی دارایی عێراق بەمنزیكانە ڕێنوێنیی تایبه‌ت به جێبه‌جێكردنی یاسای بودجه ده‌ر ده‌كات و ئاستەنگ نامێنێت و یاساكه ده‌چێته واری جێبه‌جێكردنه‌وه".یاسای بودجەی گشتی عێراق، بە 198 ترلیۆن و 910 ملیار و 343 ملیۆن و 590 هەزار دینار بۆ ساڵی دارایی 2023 خەمڵێندراوە.
شوان به‌رزنجی ئەم هەواڵە 688جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad