 |
|
|||
ZNA - هه‌ولێر
کەسایەتی باڵای شیعەکانی عێراق موقتەدا سەدر ئەمەریکا تۆمەتبار دەکات بەوەی پشتیوانی لە سووتاندنی پەرتووکە ئاینییەکان دەکات. دوێنێ دووشەممە موقته‌دا سه‌در رایگەیاند، " ئەمەریکا خۆی بە زلهێز و بەهێزترین لە جیهاندا دادەنێت وەهاش ڕایدەگەیەنێت پارێزەری کەمایەتییەکان و خەڵکی بێدەسەڵاتە، لە هەمان کاتدا پشتیوانی لە سووتاندنی پەرتووکە ئاسمانییەکان و پێشێلکردنی هەستی موسوڵمانان لە سەرانسەری جیهاندا دەکات." موقتەدا سەدر لە تویتەکەیدا دەشڵێت "ئایا کار گەیشتووەتە ئەو ڕادەیەی دوژمنانی دیموکراتی و ئاشتی و ئاسمان هەڵمان بسوڕێنن. سوێند بە خودا ئەمەریکا و دەوڵەتەکەی خراپەیان بۆ ئێمە و بۆ ئاینەکەشمان دەوێت. ئەوەی دەیکەن سەرەتایەکە بۆ بڵاوکردنەوەی بەدکاری تا عێراق ببێتە پاشکۆی ئەمەریکا و ببێتە وڵاتێکی ڕەگەز خواز، نەخیر و هەزار جارنەخێر. گەلی عێراق وەک گەلێکی دادپەروەر و گەلێکی ڕاستەقینە و بە پاکیزەیی و خاوەن شکۆ دەمێنێتەوە. دەشڵێم و ڕای دەگەیەنم عێراق گەلی قورئان و گەلی پێغەمبەران و پەیامبەران و پیاوچاکانە." لە پاش ڕووداوی ئەم دواییانەی سوتاندی قورئان لەلایەن هاووڵاتییەکی عێراقی لە سوید، ئەمەریکا سەرکۆنەی ئەو ڕووداوەی کرد و ماثیۆ میللەر، وتەبێژی وەزارەتی دەرەوەی ئەمەریکا لە کۆنگرەیەکی ڕۆژنامەوانیدا ئەو کردارەی بە کارێکی قێزەون ناودێر کرد و گوتی " کارێکی قێزەونە هەر کەسێک بێت و سووکایەتی بەو کتێبە ئاینییانە بکات کە خەڵکێکی زۆر لە جیهاندا بە شکۆوە سەیری دەکەن. ئێمە ڕێزێکی زۆر لە قورئانی پیرۆز و کتێبە پیرۆزەکانی تریش دەگرین، لە هەمان کاتیشدا پشتیوانی دەکەین لە مافی ئازادی ئاینی و بڕوای ئاینی و ئازادی ڕادەربڕینی هەموو کەسێک. ئێمە سەرکۆنەی ڕەفتارێکی لەو شێوەیەی سووتاندنی قورئان دەکەین و پێمان وایە کارێکی قێزەونە، بەڵام لە هەمان کاتیشدا بڕوامان بەوەیە ئەوە مافی هەموو کەسێکە ئازادانە ڕای خۆی دەرببڕێت."
voa ئەم هەواڵە 613جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad