 |
|
|||
ZNA - هه‌ولێر
ئەنجوومەنی باڵای دادوەریی عێراق رایگەیاند کە بازرگانێکی ماددەی ھۆشبەر، سزای زیندانیکردنی ھەتاھەتایی بۆ دەرکراوە. ئەنجوومەنی باڵای دادوەریی عێراق لە راگەیەندراوێکدا ئاماژەی بەوەداوە کە دادگای تاوانەکانی زیقار، سزای زیندانیکردنی ھەتاھەتایی بۆ بازرگانێکی ماددەی ھۆشبەر بە تاوانی بازرگانیکردن و فرۆشتی ماددەی ھۆشبەر دەرکردووە. راشیگەیاندووە، ئەو کەسەی کە بە زیندانیکردنی ھەتاھەتایی سزادراوە، پێشتر بە بە یەک کیلۆ و ٧٦٥ گرام ماددەی ھۆشبەر لە جۆری "ئەمفیتامین" دەستگیرکرابوو. باسی لەوەیش کردووە کە سزاکە، بەپێی ماددەی ٢٨ لە یاسای بەرەنگاربوونەوەی ماددە ھۆشبەر و کارتێکارە عەقڵییەکان ژمارە (٥٠) بۆ ساڵی ٢٠١٧ دەرکراوە. لە ماددەی ٢٨ لە یاسای بەرەنگاربوونەوەی ماددە ھۆشبەر و کارتێکارە عەقڵییەکاندا ئاماژە بەوەکراوە، ھەر کەسێک لە عێراق، بازرگانی بە ماددەی ھۆشبەرەوە بکات، ئەوا بە لەسێدارەدان یان زیندانیکردنی ھەتاھەتایی سزا دەدرێت.
AA ئەم هەواڵە 610جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad