 |
|
|||
ZNA-هەولێر گوتبێژێك به ناوی كۆشكی سپی له‌باره‌ی رێككه‌وتنی نێوان عێراق و ئێران بۆ ئاڵوگۆڕكردنی نه‌وتی عێراق به غازی ئێرانی، به كه‌ناڵی حوڕه‌ی راگه‌یاند، ئیداره‌ی وڵاته‌كه‌ی سووره له سزاكانی سه‌ر ئێران. ئه‌و گوته‌بێژه كه نه‌یویست ئاماژه به ناوی بكرێت، گوتی: ئه‌مه‌ریكا به هه‌موو توانایه‌ك پشتگیری له عێراقێكی سه‌قامگیری سه‌ربه‌خۆ ده‌كات و وێڕای رژدبوونیان له سزاكانی سه‌ر تاران، هیچ كاتێك نابنه رێگر له هاورده‌كردنی غازی ئێرانی له‌لایه‌ن عێراقه‌وه، كه له‌و قۆناغه‌دا عێراق پێویستی پێیه‌تی و جه‌ختیشیكرده‌وه، ئه‌و بانگه‌شانه‌ی ئێران ده‌یكات، گوایا به‌هۆی سزاكانی ئه‌مه‌ریكا ناتوانن غاز به عێراق بده‌ن، له راستییه‌وه دوورن. گوته‌بێژه‌كه‌ی كۆشكی سپی ئاماژه‌ی به‌وه‌شدا، ئێران له‌و جۆره پڕوپاگه‌ندانه ده‌یه‌وێت حكومه‌ت و گه‌لی عێراق چه‌واشه بكات و له دژی هاوسۆزی ئه‌مه‌ریكا بۆ عێراقییه‌كان بیانوروژێنێت. ئەم هەواڵە 634جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad