2023-06-10 [04:16 AM]

ڕاستیەکا دیار و بەرچاڤە قەوارەیا هەرێما کوردستانێ  بەرهەمێ بزاڤا رزگاریخوازا گەلێ کوردستانێ یە کو  ب سەدان هزار کەسان گیانێ خۆ کریە قوربانی  و خەبات وتێکوشانەکا بێ وێنە هاتیەکرن ژبلی دیتنا زەحمەتیەکا بێ سنور، لەوما قەوارەیا هەرێما کوردستانێ بەری هەر تشتەکێ بەرهەمێ ئیرادا بهێزا کوردستانیانە کو چ جاران دەست ل خەبات و قوربانیدانێ ل پێناڤ دوزا خۆ بەرنەداینە و هەمی گاڤان ب هیڤی بوونە ل بدەستڤەئینانا مافێن خۆ  یێن رەوا، هەروەها هەبوونا ڤێ قەوارەیێ بوویە هاندەر و ئومێدەک بۆ خەبات و تێکوشانا گەلێ کورد ل پارچەیێن دی یێن کوردستانێ کو ئەوژی بەردەوام بن ل خەباتکرنێ ل پێناڤ درۆستکرنا قەوارەیەکێ، لەوما پێدڤیە ل سەر حزب و لایەنێن هەرێما کوردستانێ کو پاراستنا ڤێ قەوارەیێ ل پێش هەر بەرژەوەندییەکا دەمکێ و تایبەت و لوکالی دابنێن .
مخابن گەلەک جاران ئەم دبینین هندەک حزب و لایەن  ل پێناڤ بەرژەوەندیێن خۆ ب پشتگیرییا لایەنێن هەرێمی هەول و بزاڤان دکەن ل پێناڤ لاوازکرن و نەهێلانا قەوارەیێ هەرێما کوردستانێ هەرێما کوردستانێ  د دەمەکێ دا دڤێت ئەرکێ وان پاراستنا ڤێ قەوارەیێ بیت، لێ یا خویایە پارتی دیموکراتی کوردستان چ جاران رێک نەدایە کو هەول و بزاڤێن ڤان حزب و لایەنان سەربگرن چونکە پارتی نوێنەرا ڕاستەقینە یا ماف و داخازیێن گەلێ کوردستانێ یە و پاراستنا ڤی قەوارەی ب ئەرکێ خۆ یێ ئێکێ زانیە، هەمی بزاڤ و کارێن پارتی ل پێناڤ پاراستن و بهێزکرنا ڤی قەوارەی بوونە کو پێدڤیە هەر کەسەکێ دلسوز و خودان  وژدان ئەڤە ل بەرچاڤ بیت.
ل دوماهیێ دبێژین بلا ناکوکیێن سیاسی نەبنە ئەگەر کو هندەک حزب و لایەن هەولا لاوازکرن و نەهێلانا قەوارەیێ هەرێما کوردستانێ بدەن چونکە دروستبوونا ڤی قەوارەی ب ساناهی نەبوویە وهەروەها لاوازبوون ونەمانا قەوارەیێ هەرێمی د پاشەڕۆژێ دا بەرژەوەندییا هیچ حزب و لایەنەکێ سیاسی دا نابیت.