 |
|
|||
ZNA-هەولێر
نرخی نەوت، بەرەبەیانیی ئەمڕۆ چوارشەممە، نزیکەی یەک دۆلار بەرزبووەوە، دوای ئەوەی وەزیری وزەی سعودیە هۆشداریدا لەسەر کەمکردنەوەی ئاستی بەرهەمهێنانی نەوت، هەروەها لەبەر ئەوەی کە داتاکانی پەیمانگەی نەوتی ئەمریکا ئاشکرایان کرد کە هەفتەی رابردوو قەبارەی سووتەمەنی کۆگاکراو لە ئەمریکا دابەزینی بەخۆیەوە بینیوە.
نرخی نەوتی برێنت ئەمڕۆ 68 سەنت بەرزبووە و بە 77 دۆلار و 52 سەنت مامەڵەی پێوەکرا.
نرخی نەوتی سووکی تەکساسی ئەمریکاش زیاتر لە یەک دۆلار بەرزبووەوە و بە 73 دۆلار و 66 سەنت مامەڵەی پێوەکرا.
ئیدوارد مۆیا، شرۆڤەکاری سەر بە کۆمپانیاری راوێژکاری ئواندا لەو بارەیەوە رایگەیاند، "بەرزبوونەوەی نرخی نەوت لە دوای ئەوە دێت کە وەزیری وزەی سعودیە هۆشداریدایە ئەو کەسانەی کە گرەو لەسەر دابەزینی نرخی نەوت دەکەن."
بەپێی هەندێک لە شرۆڤەکاران، هۆشداریدانەکەی وەزیری وزەی سعودیە ئاماژەیەکە بۆ ئەوەی هاوپەیمانیی ئۆپێک پڵەس دەتوانێت ئاستی بەرهەمهێنانی نەوت کەمبکاتەوە لە مانگی داهاتوو کە بڕیارە لەو بارەیەوە کۆببنەوە. ئەم هەواڵە 316جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad