|
نڤیسینا:نوزاد زادە یا گرنگە ل سەر هەمی لایەن و کەسێن سیاسی پێکڤە ل پێناڤ مافێن ڕەوا یێن گەلێ کوردستانێ کاربکەن بۆ ڤێ ژی فەرە بەرژەوەندی خواز دەست ژ بەرژەوەندیێن خۆ یێن تایبەت و بەرتەنگ بەربدەن چونکە خەلکێ کوردستانێ یێ هوشیارە و مێژوو ژی دلوڤانیێ ب کەسی نابەت.
هەر وەکی یا خویایە ل دەستپێکا دامەزراندنا کابینا ۹نەهێ یا حکومەتا هەرێما کوردستانێ ، بارودوخێ ئابووری و سیاسی هەریما کوردستانێ یێ هاریکارنەبوو ، هەردیسان بەردەوام دوژمن و نەحەزێن کوردستانێ پیلان گێراینە ل پێناڤ رێگریکرن ل پێشکەفتن ئاڤەدانکرن و چاکسازیێ کو ئەو بەرنامەیێ رێزدار جەنابێ مەسرۆر بارزانی سەرۆکێ حکومەتێ دانای ل بەرژەوندیا زۆر لایەن و کەسایەتیان دا نەبوویە کو مەرەما وان تنێ بدەستڤەئینانا بەرژەوەندیێن کەسوکی و تایبەتن ، لێ سەرۆکێ حکومەتێ هەردەم بەرژەوندیێن گەلێ کوردستانێ پێ گرنگترن ژ بەرژەوەندیا لایەنەکی و کەسایەتیەکی یان ژی رازیکرنا بەرژەوەندی خوازەکی لەوما یا دیار و بەرچاڤە کو ئارمانجا سەرۆکێ حکومەتا هەرێمێ کوردستانەکا بهێز و پاشەرۆژەکا گەش و پێشکەفتی نە بۆ گەلێ کوردستانێ بێ هیچ جوداهیەک لەوما هەر ل دەستپێکا پێکئینانا ڤێ کابینەیێ هەمی کارو بزاڤێن سەرۆکێ حکومەتێ ل پێناڤ خزمەتکرنا زێدەترا وەلاتیان و ب سازیکرنا دمودەزگەهێن حکومەتا هەرێما کوردستانێ بووینە نموونەژی د ڤێ کابینەیێ دا هژمارەیەکا بەرچاڤا دامودەزگەهان هاتینە ب ئەلکترونی کرن ل پێناڤ ساناهیکرن و بلەز برێڤەچوونا کاروبار و مامەلەیێن وەلاتیان.
سەرەرای ئاستەنگێن زۆر و بارودوخێن نەجێگیر و هەبوونا پیلانێن ناڤحۆیی و دەرڤە ، لێ سەرۆکێ حکومەتێ شیایە هەرێما کوردستانێ ژهەمی لایەکی ڤە بەرەڤ پێشڤە ببەت و ل بارودوخێن گەلەک نەخوش یێن دەربازکەت وەکی دەرکەفتنا نەخوشیا ڤایروسا کوڤید 19 و نزمبوونا جیهانی یا بهایێ نەفتێ ل ساڵا 2020 بێ کو هەرێم هیچ قەرزەکێ بکەت و هەروەها شیایە قەرێن کابینەیێن بەرێ ژی بدەت و سەروەرییا یاسایێ ژی بهێزترکریە ، لەوما ل دوماهیێ دبێژین پشتراستین ب هەڤکارییا خەلکێ مەیێ دلسۆز رێزدار جەنابێ کاک مەسرور بارزانی دێ ڤی بارودۆخێ گرنگ و پر ئاڵوز مە گەهینیته دەستکەفت و پێشکەفتنێن زێدەتر کو ئەنجامێن وێ دێ ل بەرژەوندییا هەمی گەلێ کوردستانێ دا بن .
ئەم هەواڵە 2191جار خوێندراوەتەوە |
