 |
|
|||
نوسینی : رێبوار حه‌مه‌لاو شوانی زیاتر له یه‌ك سه‌ده‌یه كورد خه‌بات و شۆڕش و راپه‌رینه‌كانی و قوربانیدانی و تێكۆشانه‌كانی به‌ردوامی و درێژه‌ی هه‌یه بۆ گه‌ڕاندنه‌وه‌ی مافی سه‌ربه‌خۆیی نه‌ته‌وه و نیشتیمانه‌كه‌ی هاوشێوه‌ی هه‌موو وڵاتانی ناوچه‌كه و جیهان ، هه‌روه‌ها سەرەرای هەموو تاوان و توندوتیژی و به هێز و چەكی لەبەردەستیانە نەیان توانیوە تۆسقالە زەرەیەک هەستی نەتەوایەتی و بیروباوه‌ر كوردایه‌تیمان له‌ناوببه‌ن و لەناومان ببەن. ئێمە هەر هەین هەر دەمێنین چونكە خەلكی رەسەنی ئەو ناوچەیەین خاوەنی جوگرافیایەکین بەناوی كوردستان كە سەدان ساڵە لەسەر پێی خۆمان وەستاوین بە زڵهێزان و ئیمپراتۆریییه‌كان لەناو نەچین بە كیمیا باران و ئەنفالكردن نەسراینەوە، پێتان وانەبێت وابەئاسانی تەسلیمی زۆری زۆرداری ئێوە ببین. كورد بوون گەورەتری شانازییە فەخر بەخۆمانەوە دەكەین كەنەوەی نەتەوەیەكین كە هیچ هێز و دەسەڵاتێک نەیتوانیووە بەو هەموو دژایەتیكردنەی لەنێوی ببات و بیسرێتەوە سه‌ڕه‌رایی هه‌موو ئاسته‌نگ و پیلانگێرییه‌كان به‌ڵام كاروانی خه‌بات و به‌رخودانمان بەردەوامە بە گیانفیدایی و لێهاتوویی ڕۆلەكانی دوێنێ و ئێستامان رۆژ بە رۆژ ئاسۆ رووناكە و گەشتر دەبێت، هەرێمی كوردستان قەوارەیەكی سیاسی سەربەخۆیی باوەڕپێكراوودانپێنراوە تەنانەت متمانە پێكراو لەسەر ئاستی نێو دەوڵەتی بۆ سەقامگیری ئاسایشی ناوچەكەوجیهان هەرچەندە ده‌سه‌ڵاتدرانی عێراق سه‌ڕه‌رایی بارودۆخی پڕ قه‌یراناویی و شپه‌رزه‌یی بەردەوامە بۆ دروستكردنی بەربەست وئاستەنگ بۆ ئەو هەرێمی كوردستانە سستكردن وپاشەكشێ پێكردنی لە ڕوویی سیاسی و بێهێزكردنی لەڕوویی ئابووری و ناسەقامگیری سەربازی هەرچەندە هەرێمێكە لە ڕوویی مێژوویی لكێنراوە بە دەوڵەتی عێڕاقەوە خاك و نیشتمان وزمان و كەلتووری زەوتكراوە ئەمەش لە ئەنجامی بەرژەوەندی وڵاتانی زلهێزو پێشێلكردن و فەرامۆشكردنی مافی میللەتی كورد لەلایەن دەوڵەتی عێڕاق. بۆیه،هەرێمی كوردستان وه‌ك قه‌واره‌یه‌كی یاسایی و ده‌ستووری له‌لایه‌ن كۆمه‌ڵگه‌ی نێودەوڵەتیییه‌وه پشتیوانی دیپلۆماسی و سیاسی لێده‌كرێت ئه‌وه‌ش وایكردووه كه لە گەشانەوەوبەرەوپێشڤە چوونە لە ڕوویی سیاسی و ئابووری و سەربازی پەیوەندیە دیپلۆماسی لەگەڵ وڵاتانی ئەوروپایی وئەمریكا و بەشداری لە كۆڕوكۆبوونەوە و كۆنفرانسە جیهانیەكان بۆ كێشە هەنووكەییەكانی وەك ئاسایشی نیشتمانی و رووبەروبوونەوەی تیڕۆڕ،ئەمەش خاڵی بە هێزی پەیوەندی هەرێمی كوردستان لەگەڵ وڵاتان كە لە بەرزترین ئاستە لێهاتوویی و لێزانی سەركردایەتی كوردو سه‌رۆكی هه‌رێم و سه‌رۆكی حكومەتی هەرێمی كوردستان كە بووەتە جێگایی متمانە و ئاشتەوایی بۆ كێشە وململانێیانەی رووبەروویی هەرێمی كوردستان وناوچەكەو لە پەیوەندیە دیپلۆماسیەكان و چارسەركردنی كێشەكان لەگەڵ حكومەتی بەغدا،ئەمانە كاروانی دیبلۆماسی و سەربەخۆیی و ڕزگاری میللەتی كورد بە ئامانج دەگەیە نێت خوێنی شەهیدان و خەباتی زیاتر لە سەدساڵەی كورد بە فیڕۆنەچووەوناچێ. هەرێمی كوردستان بەرەو ڕێره‌و و مافی ده‌وڵه‌تبوون و سەربەخۆیی هەنگاو دەنێت ئومێدی هەموو تاكێكی كوردە بۆیە پێویستە بە هەموو تواناوهەوڵێك پشتگیری و پشتیوانی لە هەنگاوەكانی سه‌رۆك بارزانی و سه‌رۆكی هەرێم و سەرۆكایەتی حكومەت بكەین لە بەرامبەر پیلان و بەربەستەكان بەتایبەت لەلایەن حكومەتی عێڕاقەوە وەك دروستكردنی قەیرانی لە ڕێی ناچاركردن و ملكەچ پێكردنی خەڵكی كوردستان و حكومەتی هەرێمی كوردستان بۆ داوا وبڕیاڕە نادەستووری و ناڕەواكانی دژ بە گه‌لی كورد بچوككردنەوەی هه‌یبه‌تی هەرێمی كوردستان لە سەر ئاستی ناوچه‌یی و جیهانی، بەڵام دڵنییان ئارام گرتن و خۆڕاگری باوەڕبەخۆبوونی گه‌لی خۆمان و هه‌رێمی كاروانی سەربەخۆیی بەردەوامە و بە هیچ پیلان و سیاسەتێكی دوژمنكارانەی ناحەزان ناوەستێت و ئاسۆیی روونی سەربەخۆیی گه‌لی كورد لە ئایندەیەكی نزیك دەدرەوشێتەوەو رووناكتر دەبێت و هەنگاوەكانی كوردستانی به‌هێزتر خێراتربه‌ره‌و كەناری دڵنییایی و گه‌یشتن به مافه‌ره‌واكانی ئۆقرە دەگرێت. ئەم هەواڵە 4501جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad