2022-08-27 [10:01 AM]

سه‌رله‌به‌یانیی ئه‌مڕۆ شه‌ممه‌، هونه‌رمه‌ندی گۆرانیبێژی گه‌نج جۆرج راسیی لوبنانی له‌ ته‌مه‌نی 39 ساڵیدا به‌ رووداوی هاتوچۆ گیانی له‌ ده‌ست دا. ڕووداوه‌كه‌ كاتێك بووه‌ له‌ ئاهه‌نگێك له‌ دیمه‌شقه‌وه‌ گه‌ڕاوه‌ته‌وه‌ بۆ لوبنان و ئۆتۆمبێله‌كه‌ی به به‌ربه‌ستێكی كۆنكرێتی ڕێگه‌ی نێوده‌وڵه‌تیی نێوان لوبنان – سووریادا كێشاوه‌، خانمێكیش له‌گه‌ڵیدا بووه‌ و ئه‌ویش گیانی له‌ ده‌ست داوه‌.‌ شربل ئه‌لغاوی، هاوڕێی ناوبراو وێنه‌ی ئۆتۆمبێله‌كه‌ی بڵاو كردووه‌ته‌وه‌ و به‌رگریی شارستانییش رایگه‌یاند، ته‌رمی هه‌ردووكیان گواستراوه‌ته‌وه‌ نه‌خۆشخانه‌. جۆرج، هاوسه‌ری پێشووی جویل حاتمه‌ و منداڵێكی لێی هه‌یه‌، كه‌ له‌ ساڵی 2015 لێی جیا بووه‌ته‌وه‌.