 |
|
|||
نوسینی:سەگڤان هالو ڕوژی شازدەی ئاب ڕوژی دامەزراندنی پارتی دیموکراتی کوردستان و ڕوژی لە دایک بوونی هێژا سەرۆک بارزانیە 16 ئاب دەسپێکی وەرچەرخانێکی سیاسیە وهاوکاتە لە گەڵ وەرچەرخانی سیاسی سیستەمی نێودەوڵەتی کە بە چۆڵکردنی گوڕەپانی سیاسی لە لایەن بەرەی هاوپەیمانانەوە بۆ دوو زلهێزی ڕکابەری یەکتر لە جیهاندا کە ئەوانیش ئەمریکا و یەکیەتی سوڤیەتی جاران بوون لە سەردەمی بەرەی هاوپەیمانان تا کوتایی جەنگی دووەمی جیهانی هەر چی شوڕش و ڕاپەڕینی کورد هەبوو لەنێو بردرابوون و ئیتر بێ هیوایی باڵی بەسەر نەتەوەی کورد دا کێشا بوو هیچ ئومێدێک لای تاکی کورد نەمابوو بە دوزی ڕەوای نەتەوەکەی دامەزراندنی پارتی دیموکراتی کورد،کوردستان بە ڕێبەرایەتی سومبولی ڕوحی نەتەوەیی و نیشتیمانیمان بارزانی نەمر دەتوانم بڵێم وەک فریاد ڕەسێک دەرکەوت بۆ ڕزگار کردنی کورد لە لوتکەی بێ هیوایی و ئومێدی کەڕاندەوە جارێکی تر بۆ تاکی کورد لە سەر ئاستی کوردستانی گەورەدا دامەزراندنی ڕێکخراوێکی سیاسی لەو ئان ساتەدا تەحەددا یان باشتر بڵێم ئالنگاریەکی بە هێز بوو لە هەمبەر دوژمنان و داگیرکارانی کوردستاندا توانی لەماوەیێکی کەمدا ئەو پەرتەوازەیی و بوشاییە سیاسە و کومەڵایەتیە نەهێڵێت و گشت گەلی کوردستان لە بەشی باشور لە ژێر چەتری پارتی دیموکراتی کورد، کوردستاندا کۆ بکاتەوە و ئینتیمای نەتەوەیی و نیشتیمانیش لە ناخی تاکی کوردو کوردستانی دا جێگیر بکات بە چەشنێک ئامادە بێت بەرگری لە کەڕامەت و ناسنامە زەوتکراوەکەی بکات شایانی باسە هیچ کات ڕژیمە سیاسیەکانی عیڕاق جێگەی متمانە نەبوون هەربویەش گەر بێتو سەیری ئەو وەرچەرخانە سیاسیە بکەین لە ساڵی 1958ز کە بووە هوی گۆڕینی سیستەمی پاشایەتی بۆ کوماری کە یەکەم سەرۆک کوماری عیڕاق عبدالکریم قاسم بوو جڵەوی دەستەڵاتی سیاسی لە عیڕاقدا گرتە دەست لە دەستوری کاتی ئەوسا لە ماددەی سێ دا دەڵێت کوردو عەڕەب هاوبەشن لە نیشتیمانی عیڕاقیدا هەڵوێستەکانی قاسم لە سەرتادا باش بوون بارزانی نەمر دژی شەڕ بوو هەموو کات لە گەڵ چارەسەری ئاشتیانەدا بوو ئەوەبوو ساڵی 1961 ز شوڕشی ئەیلول هەڵگیرسا و لە خانەقین تا زاخوو ڕۆلەکانی گەلی کوردستان بەرگریان لە خاکی کوردستان کرد و بۆ ماوەی 14 ساڵ بەردەوام بوو لێرەدا مەبەست ئەوەیە کە بە دامەزڕاندنی پارتی دیموکراتی کورد ،کوردستان بە سەرۆکایەتی باررانی نەمر بو دوژمنان بسەلمێنن کە کورد ماوە و خاوەن دوزێکی سیاسی و نەتەوەیی ڕەوایە و دەوڵەتە زلهێزەکان هاوشانی دەوڵەتە هاوسنورەکانی کوردستان غەدریان لەێ کردووە بە هوی چاوچنوکیان بو وەدی هێنانی بەپژەوەندیەکانیان لە سەر حیسابی نەتەوەیێکی پەنجا میلیونی لە کوتایی دا دەڵێیین ڕوژی 16 ئاب ڕوژێکی ئەوەندە ییروزە چۆنکە دەسپێکی خەبات وتێکوشانێکی ئەقڵانی و لوژیکی بوو دژی داگیرکاران و ڕەواندنەوەی نیگەرانی و بێ هیوایی لە ناخی تاکی کووردو کوردستانی دا پیروز بێت 16 ئاب ڕوژی دامەزراندنی پارتی دیموکراتی کورد،کوردستان و لە دایک بوونی سەرۆکی کوردان مەسعود بارزانی لە گشت کوردو کووردستانیەکی دڵسوز و نیشتیمانپەروەر. ئەم هەواڵە 1630جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad