|
ZNA:هەولێر دامەزراندنا پارتی دیموکراتی کوردستان ژلایێ بارزانی نەمر، گرینگترین و پێدڤی ترین دەستپێک بوو بۆ کۆم کرنا گەلێ کوردستانێ ل ژێر ئاڵایێ پارتیەکا سەرانسەری کو د چارچووڤێ لوکالی دەرکەڤیت و بشێت ب شێوەیەکی واقعییانە و سەردەمانە جەماوەری رێک بێخیت و ئاراستە بکەت و ئارمانجێن نەتەوەیی ب دەست ڤەبینیت .
بارزانی نەمر ، ئەو رێبەرێ جهێ شانازی و پشته‌ڤانیا جه‌ماوه‌ری بوو لەوما باوه‌رى خه‌ڵكى ب ڤى رێبه‌رێ بلیمه‌ت بوو ئه‌گه‌را هندێ كو پێکهاتێن گەلێ کوردستانی بێ جوداهییا ره‌گه‌زى و ئایینی و مەزهەبی ل ژێر سەرکردایەتیا ڤی رێبه‌ری دا خه‌باتێ بكه‌ن و ل بن ئاڵایێ پارتی دیموکراتی کوردستان دا خۆ ببینن .
هەر وەکویا خویایە پارتی هەر دامەزراندنا وێ تاکو ئەڤرو کو دبنە ۷٦ ساڵ خودان پرۆژەیەکێ نەتەوەیی بوویە و ب هیچ شێوەیەکێ بەرهەڤ نەبوویە بۆ سازش کرنێ ل مافێن کورد وکوردستانییان و بەردەوام خەبات و قوربانی داینە بۆ بەرگریکرنێ ل دۆزا رەوایا گەلێ کوردستانێ و بدەستڤەئینانا مافێن وان ، ئەو دەستکەفتیێن ل سەر دەستێ پارتی و سیمبولێن وێ ب دەست ڤەهاتی ب دەسکەفتیێن گرنگ دهێنە هژمارتن د دیروکا بزاڤا رزگاریخوازا گەلێ کوردستانێ دا کو قەوارەیا هەرێمێ بەرهەمێ وێ یە ، ژلایێ ئاڤەدانکرن و پێشکەفتنا کوردستانێ ژی ڤە پارتی پێشەنگ بوویە ، لەوما ب پشتەڤانیا جەماوەری پارتی ئەڤرۆ بوویە هێزەکا گرنگ ل سەر ئاستێ نێڤدەولەتی و هەرێمی و دناڤا مللەتێ کورد ب هێزەکا بێ هەڤرک دهێتە هژمارتن .
ل دوماهیێ دبێژین پارتی هەر ل دەستپێکێ ڤە هەتا نوکە ب پشتەڤانیا جەماوەرێ دلسۆز و خەباتگێرێ کوردستان بێ ڕاوەستیان خەبات و بەرخۆدان کریە لەوما پێدڤیە ل سەر هەر کەسەکێ دلسوز پشتەڤانێ پارتی بیت ل پێناڤ بدەسڤەئینانا ماف و ئامانجان .
ئەم هەواڵە 4834جار خوێندراوەتەوە |
