2022-07-23 [06:10 AM]

 بەدرێژایی چەند ساڵی رابردوو هەرێمی کوردستان قۆناغێکی سەختی ئابوری تێپەڕاند ، بەتایبەت دوای ئابڵوقەی حوکمەتە یەک لەدوایەکەکانی عێراق و بڕینی بودجە و موچەی فەرمانبەران و هاوڵاتیان، تاکە ئامانجی حکومەتی عێراق تەنیا لاواز کردنی پێگەی هەرێمی کوردستان بوو لەناوەخۆ و دەرەوەی ووڵات و ڕێگا گرتن بو لە بەهێز بوونی پێگەی ئابوری هەرێم ، بەڵام بەهۆی بەهێزی ئیرادەی بەرپرسانی حکومەتی هەرێم و خۆڕاگری خەڵکانی دلسۆز بۆ خاک و نیشتیمان وای کرد قۆناغه سەختەکان تێپەڕێندرێت ، بەتایبەت کارەکانی کابینەی نۆیەم بەسەرۆکایەتی رێزدار مەسرور بارزانی ، هەنگاوە یەک لەدوایەکانی لە جێبەجێکردنی پرۆژەی چاکسازی ، وە بڕیاری گەڕانەوەی پلە بەرز کردنەوەی فەرمانبەران دڵنیام یەکێک دەبێت لە بڕیارە گرنگەکای حکومەتی هەرێم.

  لە ماوەی سێ ساڵی ڕابردووی کابینەی نۆیەم توانراوە کۆمەڵێک پڕۆژەی گرنگ جێبەجێ بکرێت و بڕیاری گرنگ بدرێت ، دابەش کردنی موچە لەکاتی خۆی و هەموو مانگێک بەبێ ئەوەی چاوەڕوانی ناردنی پارەی بەغدا بکرێت ، وە بڕیاری دروست کردنی 20هەزار یەکەی نیشتەجێ بوون بۆ کەسانی هەژار و کرێ نشین ، وە بڕینی موچەی دەیان هەزار کەس کەخاوەنی زیاتر لەموچەیەک بوون کەزۆرێک لەحزبەکان نان و پیازیان پێ دەخوارد و خەرچکردنی نزیکەی چوار سەد ملیار دینار بۆ پڕۆژەی خزمەتگوزاری ڕێگاو بان و ئاوەدان کردنەوە ، وە خەرجکردنی سی و شەش ملیار دینار بۆ کەرتی پەروەردە ، وە دروستکرنی بەندا و چەندان پڕۆژەی تر جێگای ئومێدی گەلی کوردستانە ، بۆیە پێویستە هەموو تاکێک شانازی بەکارەکانی حکومەتی هەرێم بکات لەپاڵ درووست کردنی چەندان کێشەی ئابوری و سیاسی توانراوە گرنگی بەخزمەت کردنی کوردستان و بەرو پێش چوونی بدرێت.

لە پاڵ ئەم هەموو بڕیارە گرنگە بۆچی گەڕانەوەی موچەی فەرمانبەران گرنگەلەم کاتەدا ؟ ئەگەر بەوردی سەرنج لە بارو دۆخی ئابوری چینی موچە خۆر و بازار بدەین ، بێگومان جیاوازیەکی زۆر بەدی دەکرێت بەتایبەت دوای هەڵگیرسانی شەڕی روسیا و ئۆکرانیا وای کرد نرخی شتومەک لە بازارەکانی جیهان بەرز بێتەوە هەرێمی کوردستانیش بەدەر نەبو لە بەرز بونەوەی نرخی کاڵاو شتومەک بۆیە ناهاوسەنگیەک درووست بوو لە نێوان گرانی بازاڕ و چینی موچە خۆر ، ئەمەش وای کرد موچە خۆر نەتوانێت وەک پێویست بژێوی ژیانی خۆی ڕاهی بکات و زۆر جار وای کرد قەرزار بێتەوە، ئەگەر بەراوردێک بکەیت لەنێوان فەرمانبەرێک و بازار ، لەسەرەتایی دروستبونی قەیران تائەمڕۆ گۆڕانکاریەکی ئەوتۆ بەسەر موچەی فەرمانبەر نەهاتووە ، بەڵام بەڕێژەیەکی یەکجار زۆر گۆڕانکاری بەسەر بازاڕ و ژیانی موچە خۆر دا هاتووە ، بۆیە لە ئێستادا پێویستە ئاوڕێک لە ژیانی فەرمانبەر بدرێتەوە ، بۆیە بڕیاری گەڕانەوەی پلە بەرزکردنەوەی فەرمانبەر دڵخۆشی و هێمنی بۆ ئەم توێژە گرنگەی کۆمەڵگا دەگەڕێتەوە

  وە گەڕانەوەی پلە بەرزکردنەوەی فەرمانبەران دەسکەوتێکی گەورە دەبێت بۆ کابینەی نۆیەم لەهەمان کاتدا دەبێتە هۆی بێدەنگ بونی حزبە بەنێو ئۆپزسیۆنەکان ، چونکە ئەم حزبانە نەیان توانیوە جوانیەکانی حکومەتی هەرێم و کارە ناوازەکانی کابینەی نۆیەم وەک خۆی بگەینە هاوڵاتیان و نیشانی خەڵکی بدەن و تاکە شت کە بەردەوام لە ڕاگەیاندنەکان باسی لێوە دەکەن قوتی فەرمانبەرە ، بۆیە گەڕانەوەی پلە بەرز کردنەوەی فەرمانبەران دەبێتە هۆی بێدەنگ بونیان چونکە شتێک نابێت بۆ ئەوەی بیکەنە بەرنامەی کاریان لەهەڵبژاردنی داهاتوو.

نازم شێخانی