|
نڤیسینا:نەوزاد زادە پارتی دیموکراتی کوردستان وەکو هێزەکا مەزەن و کاریگەر دناڤا گورەپانا سیاسییا روژهەلاتا ناڤین سەرچاڤێ هێزێ وەرگرتیە ژ قوتابخانا فەلسەفی یا بارزان ، ژ وان رەمزو سیمبولێن نەتەوا کورد ئەوێن لڤێ قوتابخانێ رابووی، ژبوی کومکرنا جەماوەرێ خو ل سەر ئاستێ جیهانێ، وەکو یاخویایە پارتی دیموکراتی کوردستان هێزەکا بێ هەفڕکە دناڤا مللەتێ کورد، و تاکە هێز دهێتە هژماردن ژبوی بەرەڤانکرنێ ل مللەتێ کورد، وەکو دیارە پارتی ژبەرە دەست ب کونگرا خو کریە ئەندامێن لێژنا بلندا کونگرێ هاتینە دیاریکرن فەرە ، ڤان خالێن ل خارێ ل بەرچاڤ وەرگریت ژبو کومکرنا جەماوەرێ خویێ رەسن و ئارستەکرن بۆ خزمەتا گەل ونیشتمان، و هێزەکا هندا مەزن کە ئەڤرۆ ل سەر ئاستێ نافخویی و هەرێمی و نیڤدولەتی دهێتە هژماردن پێتڤییە کونگرەکا هەرە پێشکەفتی بهێت ئەنجام دان.
1- ژبوی هەمی ئورگانێن حزبی فەرە مەرج بهێنە دیارکرن بو دەربازکرنا قوناغێن پلێن حزبی، وەکو خزمەت لایەنێ کێم ۱۰سال خزمەتا پارتایەتیێ کربیت، و بروانامە ژبەر کو ئەڤرۆ رێژا نەخویندوەواریێ زوریا کێم بوویی دناڤ مللەتێ مەدا ل سایێ سەرێ حکومەتا هەرێم کە خاندن و قوتابخانە گەهاندینە هەمی دەڤەرێن هەرێما کوردستانێ، و ئاستێ رەوشەنبیری و پێگەهێ جڤاکی ل بەرچاف بهێن گرتن، رەوشت و پێشینەکا باش هەبیت و چ تاوانێن ئابروبەر ل رابردوو ئەنجام نەدابن.
2- هەر وەکو یا خویایە پارتی هەمی سەردەما خو دگەل دورهێلێن واقع گونجاندیە، فرە ب هەمان حەماس پتر خو بگونجینیت و ب تایبەتی ل بوارێ راگەهاندنێ و ب وسایلێن خوڤە وەکۆ سوشیال میدیا و هد، ژبویی کومکرنا جەماوەرێ خو گرنگیەکا پتر بدەت ڤی بواریی.
3- کێمکرنا بارەگایێن حزبی ب شێوەیەکێ مودرن و سەردەم و پتر گرنگی ب ناڤ جەماوەر بهێتە دان، بواریی مەکتەبی کێمتر گرنگی پێ بهێتە دان.
4- ژبلی ئەندامێن کونگرێ کو راستەوخو ژلایێ ئەندامان ڤە دهێنە هەلبژاردن، فەرە کونفرانس ژلایێ ئەندامان بهێنە هەلبژاردن، بو نمونە پەرپرسێ ناوچێ و کارگێر و ئەندامێن ناوچێ ژلایێ ئەندامان بهێنە هەلبژاردن تاکو ئەندامێن حزبێ پتر رۆڵ هەبیت و بوارێ کوتلە وکوتلانێ نەهێلیت.
5- دڤێت د کونگرێ بهێتە جەسپاندن خولێن رەوشەنبیری بو هەمی کادرێن پارتی بهێنەڤەکرن لایەنێ کێم خول سێ هەیڤان کێم تر نەبن و دخولێ دا پەرتوکێن سەروک بارزانی بخینن بو هندێ فێر ریبازا پیروزا بارزانی بن، و شارەزابن ل دیروک و فەلسەفا بارزانی.
6- دڤێت گرنگی ب لاینگرێن پارتی و کەسێن بێ لایەن بهێتە دان بەرنامەکێ تایبەت بو هەبیت ژبەرکو مەرچ نینە ئەوێ دەنگێ خو دەنە پارتی هەمی ئەندام بن، و زور جار لدیڤ هندەک راپرسیا نێزکی ۲۰ ل سەدێ خەلکێ هەی یێ بێ لایەنە، دڤێت کار بو بێ لایناشی بهێتەکرن.
7- خالا گرنک ئەوە دڤێت کادرێن پارتی و جەماوەر لێک نێزیک بن وەکو سەردان و داخازی و پێشنیارو رەخنێن وان بهێنە بلندکرن و بنە پرەک دناڤبەرا دەستەلات و هاولاتی دا.
8- سکالایا ئەلکترونی بهێتە دامەزراندن، بو گەهاندنا سکالایێن هاولاتیان بو جهێ مەبەست.
9- تەلفزیونەکا وسوشیال میدیا تایبەت بهتەڤەکرن ب شێوازێ کرمانجێ کوردستان باکور، و ب هەمان شێوە بو کوردستانا روژ ئاڤاژی بهێتە ڤەکر، بو کومکرنا جەماوەرێ پارتی و مریدێن رێبازا بارزانی.
ئەم هەواڵە 5239جار خوێندراوەتەوە |
