 |
|
|||
نوسینی : سەگڤان هالو لەم ماوەیەدا کۆمەڵێک ڕاپورت و لێدوانم بینی کە زوربەیان جەختیان لەسەر ئەوە دەکردەوە کە هەرێمی کوردستان بچێتە ژێرباری ئەو بڕیارە سیاسیەی کە دادگای ئیتیحادی فیدڕالی لە دژی هەرێم دەری کردووە سەبارەت بە ڕادەستکردنی تەواوی دوسیەی نەوت و غازی سرۆشتی بە ناوەند هەموومان دەزانین کە لە عیڕاقدا ئیڕادەیێکی سیاسی سەربەخۆ بوونی نیە ودەوڵەتی هەرێمی هەیە فەرمانیان پێدەکات و بڕیارەکان دژی هەرێمی کوردستان دەردەکەن ئەمە لە لایەک لە لایێکی تریشەوە زور ڕۆن ئاشکرایە کە هندێ قەوارە و کوتلەی سیاسی لە عیڕاقدا ناسراون بە بەرەی ئێران کەواتە ئەزمۆنێکی باش هەیە لە لایەن سەرکردایەتی سیاسی هەرێمەوە لەگەڵ هەموو ئەو قەوارە سیاسیانەی کە ئاماژامان پێدواون بە تایبەت پارتی و بارزانی لە مەرام و ئەجندای سیاسی ئەوان زور حاڵیە هەروەها غیابی ئەقڵیەتێکی سیاسی دیموکراسی کە بتوانێت بەرامبەرەکەی قەبۆڵ بکات بە هەموو تایبەتمەندیەکانەوە هەرێمی کوردستان بە پێی دەستوری هەمیشەیی عیڕاق مامەڵەی لە گەڵ حکومەتی ناوەندی بەغدادا کردووە وە ئەوە بەغدا بووە و بەعدایە تا ئێستاش بە جورەها شێواز سیاسی،ئابوری و دارایی، سەربازی،هتد پەلاماری هەرێمی کوردستانی داوەوەو تاکە ئامانجیشیان لاواز کردن و دواتر لە نێو بردنی ئەم ئەزمونە فیدڕالیەیە کە هەیە بەغدا دەیان مادەی دەستوری هەمیشەیی پێشێل کردووە و لەسەرۆی هەموشیانەوە مادەی 140ی دەستوری هەمیشەیی کە دەبا پێش ساڵی 2007 زایینی یەکلایی کرابایەوە کەواتە ئەوە هەرێمە مافی هەیە سکاڵا لەسەر بەغدا تومار بکات نەک پێچەوانەکەی لێرەوە دەگەینە ئەم ڕاستیە ئەویش ئەوەیە کە ئەوەی دادگای فیدڕالی دەیکات ئەمڕۆ شتێکی سیاسیە و بڕیارەکانیشی تەواو سیاسین و دەستێکی دەرەکی لە پشتەوەیە بۆ چۆک داهێنان بە ئیڕادەی سیاسی دەستەڵاتی سیاسی هەرێم بۆیە هەرێم دەبێ بە شێوەیێکی دیبلوماسیانەو سیاسیانە مامەڵە لەگەڵ ئەم بڕیارەدا بکات و بە هیچ شێوەیێکیش نەچێتە ژێر باری بڕیاری دادگایێکی لەم چەشنە کە ئیڕادە یێکی سیاسی سەربەخۆی نیە و ئەجندای سێاسی دەرەکی بە ویست ئارەزۆی خویان بەکاریدەهێنن بەو پێییەی کە لە بەرژەوەندی ئەواندا بێت. ئەم هەواڵە 1993جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad