|
نوسینی : رێبوار حەمەلاو شوانی لە ماوەی سێ ساڵی دەستبەكاربوونی كابینەی نۆیەم بە سەرۆكایەتیی ڕێزدار مەسروور بارزانی بە كارنامەیەكی دەوڵەمەند لە رووی پرۆژەی خزمەتگوزاری ، چاكسازی وپاكسازی لە گشت بوارەكاندا ، ئینجا هەوڵە بەردەوامەكانی بۆ پتەوكردن و گەشەپێكردنی ژێرخانی ئابووری و كشتوكاڵ و ئینجا سەرچاوە كانزاییەكانی وەك نەوت و غاز ، بابەتێكی سەڕەكی دیكە ، پرسی پێشخستنی پەیوەندییە سیاسی و دیپلۆماسییەكانی هەرێمی كوردستانە ، ئەگەر بەوێژدانەوە تێروانین بكەین ئەو هەوڵ وتێكۆشانانە وایانكردووە كە شێوازی مامەڵەكردنی هەرێم و حكوومەتی كوردستان لە نێو هاوكێشە سیاسی و مڵمڵانێی و ئاڵۆزییەكانی ناوچەی رۆژهەڵاتی ناوەڕاست جێگەی گرنگی و بایەخ و سەرنج وڵاتانی ناوچەكە و دوونیا بێت .
بۆیە، ئەگەر ئاماژە بە بانگهێشت و سەردانە فەرمییەكانی سەرۆكی حكوومەتی كوردستان بۆ وڵاتانی ناوچەكە و جیهان بكەین لە ماوەی رابردوو ، چەندین سەردانی فەرمی بۆ وڵاتانی كەندا بەتایبەت ئیمارات ، قەتەر ، بەحرین ،ئۆردن و ئینجا توركیا ، یۆنان و فەرەنسا و ئیتالیا و ئێستاش شانشینی بریتانیا و بە پێچەوانەوە سەردانی چەندین سەرۆك و وەزیر وشاندی سیاسی و دیپلۆماسی و بازرگانی بۆ هەرێمی كوردستان و خواست لە سەر پێشخستنی پەیوەندی لەگەڵ هەرێمی كوردستان لە رووی دیپلۆماسی و ئابووری و سیاسی بە سەركەوتن و دەستكەوتی گەورە بۆ هەرێمی كوردستان لە پێناو بەهێزتر بوونی قەوارەی هەرێم و گەشەسەندنی كوردستان هەژمار دەكرێت .
بۆیە، هەموو ئەو بانگهێشت و سەردانە فەرمییانەی رێزدار مەسروور بارزانی ، سەرۆكی حكوومەتی هەرێمی كوردستان لەگەڵ لووتكەی دەسەڵاتدانی ئەو وڵاتە ، بە پێشهاتێكی ئەرێنی لە رووی دیپلۆماسی پەیوەندییەكانی هەولێری پایتەخت لەگەڵ باقی وڵاتانی ناوچەكە و جیهان هەژمار دەكرێت لە لە فرەڕەھەندكردن و ڕەنگڕێژكردنی ئەم پەیوەندییانە.بەتایبەت لە دوای ئەو پێشهاتە نوێیانەی کۆمەڵگای نێودەوڵەتی لە هەرسێ ڕەهەندی سیاسی و ئابووری و تەندروستییەوە ڕووبەڕوویان بووەوە، حکومەتی هەرێمی کوردستان توانیویەتی لە ڕووی سیاسییەوە ڕووی شارستانی و دیپلۆماسیی خۆی نیشان بدات؛
بۆیە، هەموو ئەو سەردانانە بۆ وڵاتانی ناوچەكە و وڵاتانی جیهان بەتایبەت شانشینی بریتانیا و وڵاتانی ناوچەكە ، لە رووی دیپلۆماسی و ئابوورییەوە بۆ هەرێمی كوردستان بەرهەمی زیاتر دەبێ ، بەتایبەت كە ئەمڕۆ پێگەی ھەرێمی کوردستان زۆر گرینگە و وڵاتانیش زۆر بە بایەخەوە سەیری ھەرێمی کوردستان دەکەن، ئێستا کە شاندی وڵاتانی دنیا دێنە هەرێمی کوردستان و شێوازی مامەڵەکردنیان گرینگی هەرێم زیاتر دەردەخەن، چونکە لەوە گەیشتوون کە هەرێم ئیدی بووەتە دیفاکتۆ و پێویستە مامەڵەی لەگەڵدا بکرێ و ئەوەیش ددانپێدانانە بە هەرێمی کوردستان ، ئەوەش هۆكار بۆ بەرەوپێشچوونێكی تازەی سیاسی و ئابووری لە پەیوەندییەكانی نێوان هەرێمی كوردستان بۆ زیاتر برەودان بەو پەیوەندییانە دروست ببێت.
دیدار و كۆبوونەوەكانی سەرۆكی حكوومەتی هەرێمی كوردستان لەگەڵ گەورەبەرپرسان و بڕیاربەدەستانی وڵاتانی ناوچەكە و جیهان چووەتە قۆناغێكی باشترەو ستراتیژییەوە ، بە رەفتار و پێشوازیی بەرزی پرۆتۆكۆلییان لە رێزدار مەسروور بارزانی سەرۆكی حكوومەتی هەرێمی كوردستان، دەرخەر و سەلمێنەری ئەو راستیەن، لە زمانی ئاماژەكان لە كایەی دیبلۆماسییەتدا، ئاماژەن بە سەنگ وپێگەی قەوارەی هەرێم و كەسایەتی بەهێز ودیپلۆماسی پەسەندكراو ئەو وڵاتانە بەرامبەر هاوكێشەكان و پێشهات و گۆرانكارییەكانی ناوچەكە و جیهان ، بەدڵنیاییەوە ئەزموونی دیبلۆماسیی بەڕێز مەسرور بارزانی، رۆڵی كارا دەگێڕێت لەم رووەوە، ئەوەش بە دەستكەوت و سەركەوتنێكی گەورەی دیپلۆماسی سەرۆكی حكوومەتی كوردستان بۆ زیاتر بەهێزكردنی پێگەی كوردستان لە رووی سیاسی وئابووری هەژمار دەكرێت كە لە ئایندەیەكی نزیكدا بەرهەمەكەی لە گشت بوارەكاندا دەبینرێت .
ئەم هەواڵە 7009جار خوێندراوەتەوە |
