2022-03-24 [11:44 AM]

گەلی كورد بە درێژایی مێژوو ، رووبەرٍِووی زوڵم و ستەمكاری زۆر بَوتەوە ، لەگەڵ  هەموو ئەو تاوانكارییانەی كە بەرامبەر ئەنجامدراوە بەڵام خاكی كەسی داگیرنەكردووە و زیانی بە هیچ گەل و نەتەوەیەكی تریش نەگەیاندووە  بەڵام پێچەوانەكەی ئەوە بووە كە  بەدرێژایی مێژوویی داگیركاری و خەباتی بەردەوامی بۆ ڕەتكردنەوەی ژێر دەستی بۆ سەر گەلەكەمان ، بەڵام گەلی كورد هەردەم لە بەرگریدا بووە، هەوڵەكانی سەركردایەتیی سیاسی كوردستانیش لە رێگای كۆمەڵگەی نێودەوڵەتی  و ڕٍایی گشتییەوە ، بەهەموو جیهان بڵێین كە ئێمەی كورد و قەوارەكەمان هەڕەشە  و مەترسییە نییە بۆ سەر هیچ وڵاتان  ولایەنێك ، ئامادەبوونی سەرۆك مسعود بارزانیی  پێشمەرگە  رابەری  نەتەوەیی كورد و رێزدار  سیداد بارزانیی ئەندامی سەركردایەتیی پارتیمان و رێزدار مەسروور بارزانیی سەرۆكی حكوومەتی كوردستان لە نێو ئاپۆرای جەماوەری شاری هەولێری پایتەختی كوردستان و لە ئاهەنگی  نەورۆزی 2722 كوردی ، وەك هەمیشە  ورە و پەیامێكی گرنگ و هێز و ئیرادەی گەلێكی ستەملێكراو بوو بەرامبەر  بە  دوژمنان و داگیركەران ئەوانەی دوێنی بە چەكی كیمیایی و فرۆكە و ئەنفال  و ئەمرٍۆ بە تانكی ئابرامز و  مووشەكی بالسیتك  خەونی شكاندنی ئیرادەی گەلی كورد دەبینن ، لە هەمان كاتیشدا پەیامێك بوو بۆ  ناحەزان كە هەولێر هەر هەولێرە و هەمیشە  ئاڕام و سەقامگیر دەمێنێتەوە و پێشەنگ و سەقامگیر بەرەو ئاوەدانی و هەر بە ئاشتی و ئاسوودەی دەمێنێتەوە .
ئەگەر دوێنی دوژمنان  بە تاوانی كوردبوون و كوردایەتیی هێرش و پەڵاماریان  دەكرینە سەڕ و  گەلی كوردیان بە مرۆڤ هەژمار نەدەكرد ، هەر  دوێنی بوو گەلی كوردیان بە ناموسلمان ناودەبرد و داعشیان  بەكار هێنا ، لەوەشدا شكستیان هێنا و  میلیشایی حەشدیان دروستكرد ، لەوەشدا شكستیان هێنا و  ئینجا گەمارۆی ئابووری و سیاسی و دیپلۆماسی لەوشدا شكستیان هێنا ، لە ئێستاشدا تۆمەتی ئیسرائیلی بوون بە كوردستان دەبەخشن و لە پاڵ سیناریۆی بوونی دەزگای هەواڵگری ئییسرائیلی  مووشەكبارانمان دەكەن و بەخەیاڵی خاویان چاوترسێنمان بكەن تا دەستبەرداری شكۆ و ئیرادە و  خاك و نیشتیمانمان بین و خۆمان رادەست بكەین .
بۆیە،  پێشوازیكردنی  كەسوكار و خانەوادەی شەهیدان لە سەرۆك بارزانیی و دڵنەواییان لەلایەن بارزانیی و هەڵگرتنی مەشخەڵی نەورۆز  و بە دونیایەك هەست سۆزی و وەك باوكی نەتەوەیەك ، نەك تەنها دڵخۆشییەكی بێ‌ وێنەیە لە هەمان كاتیشدا ، پەیامێك بوون بۆ  دوژمنان كە لە ژێر هیچ هەرەشە و گوشارێك دەستبەرداری خاك و نیشتیمانی كوردستان نابین و ڕێگانادەین خەونی دوژمنان و خۆفرۆشان بێتەدی  و ئاسایش و سەقامگیری كوردستان و هەولێری پایتەختی كوردستان تێكبدرێت ، دەیان جاریش خەونی دوژمنان و خۆفرۆشانی لە گۆڕناوە  و  ئامادەبوونی سەرۆك بارزانیی  لە ئاهەنگی نەورۆز جارێكی دیكە ئاماژەیە بەوەی كە كورد وكوردستان هیچ كات خۆی بۆهیچ دوژمنێك ناچەمێنێت و حیسابیش بۆ هیچ دوژمن و داگیركەر ناكەین ، جارێكی دیكەش بۆ  هەموو  كورد و كوردستان ئەو راستییە سەلمێنرا كە تەنها سەرۆك بارزانیی رابەر و دڵسۆزی  نەتەوەیی كورد و  دۆزی رەوای كوردستانە  و لە كاتە هەستیارەكاندا  فریادرٍەسە ..