2022-03-02 [08:30 AM]

رۆژ بە رۆژ ئاستی بێزاری نەك لە عێراق بەڵكو  لە مانەوەی ناچاریش لەگەڵ ئەو دەوڵەتە ساختەیە  زیاتر و  زیاتر دەبێت ، بە شێوەیەك كە دوژمنكاری و  شەڕفرۆشی  دەسەڵاتدارانی بەغدا بە رامبەر مافەرەواكانی كورد دەچێتە قۆناغێكی مەترسیدارەوە ، تا دوێنی كە كوردستان خاوەن قەوارەی خۆی نەبوو ، ئەوا  بە پاساویی كوردبوونمان و خەبات دژی ستەمكاری و ژێر دەستی  هیچ كارەسات و تاوانانكاری و چەكی كۆمەڵكوژ نەما و بێ‌ بەڵێنی نەما بەرامبەر سەرٍەتایی ترین مافەكانمان لە سەرخاك و نیشتیمانمان ئەنجامی نەدەن ..

دوای 30 ساڵ لە حكومڕانی هەرێمی كوردستان كە هیچ  وڵات  و رژێمێك خێری پێمان نەكردووە و  بۆمانی دروستنەكردووە ، ئەوانەی ئێستا لە بەغدا دژی  ئەم قەوارەیە كار دەكەن و نیازیان خراپە و بە هەموو تواناوە جەنگی ئیرادە شكاندن و  لاوازكردنی  دەدەن ، چەندین ساڵ بوو لە نێو ئەو ئازادی و دیموكراسییەتەی كوردستان پەروەردە بوون و خۆیان پێگەیاند ، بەڵام هەر كە رژێمی بەعس رووخا و  دەستیان گەیشتە كورسی دەسەڵات و لە ماوەی 17 ساڵی رابردوو، چی نەما بە سەر گەلی كوردی نەهێن..

یەكەم ،، عێراقی بەناو فیدراڵ و دیموكراس و هاوبەشی و سازان ، هەنگاو بە هەنگاو  كاری لە سەر پەراوێزخستن و دەركردنی كوردی لە ریزەكانی سوپا و هەواڵگری و جومگەكانی دیكە دا 

دووەم،، وەرٍگرتنەوەی پۆستە هەستیارەكان و گرنگەكان لە نێو  دامودەزگەكانی حكومەتی بەغدا  ، بۆ  ئەوەی كورد بچووكترین كاریگەری نەمێنێت ..

سێیەم ،، خۆ دزینەوەی بەردەوام لە جێبەجێكردنی دەستوور بە تایبەت ماددەی 140ی دەستووری و هەوڵی داگیركردنی هەنگاو بەهەنگاو تا قۆناغی 16ی ئۆكتۆبەر بە پاساویی ئەنجامدانی ریفراندۆمی سەربەخۆیی لەكاتێكدا ساڵانێكی زۆرە نیازی هەبوو .

چوارەم ،، بڕینی هەنگاو بە هەنگاو بەشە مووچەو وبودجە و چەك و تەقەمەنی بۆ پێشمەرگە بە مەبەستی  كاریگەری دانان لە هێز و ئیرادەی پێشمەرگە  ..

پێنجەم ،، بڕینی بەشە مووچە و بودجە كوردستان و  گشت شایستە داراییەكان قۆناغ بە قۆناغ تا  ئێستای 200 میلیاردەكە بە پاساویی یاسایی نەوت و غاز  كە ئەگەر خەمڵاندنێك بۆ  كۆی ئەم مافانە بكەین دەگاتە دەیان میلیارد دۆلار مافی خەڵكی كوردستان ..

شەشەم،، هەوڵدانی لایەنە شۆڤێنییەكان شیعی و سووننە لە ماوەی 17 ساڵی رابردوو، بۆ  كۆتایی هێنان بە دەستووری هەمیشەیی یانیش گۆرانكاری بە ویستی خۆیان ئینجا هەڵوەشاندنەوەی قەوارەی یاسایی و دەستووری و  هەڵبەت بە پاڵپشتی جاش و بەكرێگیراوەكانیان لە نێوخۆیی هەرێمی كوردستان بە هێرشی میدیایی و سیناریۆی جۆراجۆر و  تا پەڵاماردانی چری سەربازی بۆ سەر  قەوارەی هەرێمی كوردستان ..

هەموو ئەو هەوڵانە و دەیان هەوڵی دیكە ، بە هۆی خوێندنەوەی وردبینانەی سەركردایەتیی سیاسی كوردستان بەتایبەت سەرۆك بارزانیی ،  پووچەڵكرانەوە و  ئەوەی ئێستاماوە پێوستە لە سەر ئاستی ناوچەیی و نێودەوڵەتیی و نەتەوەیەكگرتووەكان  هەوڵەكان چرٍ بكرێنەوە كە  یان دەبێ‌  گەلی كورد هاوبەشی راستەقینە بێ یانیش بە پێی هەموو ماف و یاساكان كوردستان لە ماڵی خۆی و عێراقیش لەماڵی خۆیی  وەك دوو دراوسێ‌ ..