|
ZNA- ھەولێر ئەگەر رووسی یا هێرشێ بکەتە سەر ووەلاتێ ئۆکرانی یا وشەڕ پەیدا ب بیت،دێ ئۆرۆپا وئەمریکا ژی هەڵۆیست هەبیت وهەمی پێشبینی بەر ب وێ چەندێ د چن کۆ ئورۆپا و ئەمریکا سزایێن تۆند دانە رووسیا چونکی نها ئەو ئاماژێ د دەنە وێ چەندێ کۆ ئەگەر رووسی یا جەنگەکا لەشکەری بەرپا بکەت، ئەو دێ جەنگەکا ئابووری د گەڵ رووس یا بەرپا کەن،وهەلبەتە دەرئەنجام و ئاکام و رەهندێن ڤی شەڕی دێ جیهانێ هەمیێ بخۆەڤە گڕن،ودێ کارتێکرنێن خڕاب لسەر تەڤایا ئابوورێ جیهانێ پەیدا کەن، ژوانا :-
١- دێ کارتێکرنەکا زۆر مەزن لسەر ئاسایشا خارنێ یا جیهانی کەن،چۆنکی کییڤ دهێتە هژمارتن ئێک ژ جار وەلاتێن مەزن یێن جیهانێ د بیاڤێ بەرهەمئینان و هنارتنا گەنم ۆ جەھ و شامییان ژبۆ تەڤایا جیهانێ، هەر وەسا روسی یا ۆ رۆمانیا و کازاخستان ژی، کۆ د حالەتێ پەیدابوونا شەری دا دێ زەرەڕ و زیان گەهیتە ڤان ووەلاتان هەمیان و بەرهەم و هنارتنا وان دێ زۆر کێم بیت، بۆ نموونە ووەلاتێن وەکی مسڕ و لیبیا و چەندین ووەلاتێن دی پشبەستنەکا زۆر ژبۆ کرینا گەنم و جھ و گەنمە شامیان د کەنە سەڕ ڤان ووەلاتێن ناڤبڕی.
٢- رووس یا 35% ژ غازا سڕۆشتی یا ئێکەتییا ئۆرۆپی دابین د کەت،بۆ نموونە پرۆژێ نورد ستریم1 ئەوا ژ رووسی یا بەر ب ئەلمانیاڤە دچیت ب رێکا ئۆکرانی یا کۆ ساڵانە 55 ملیار متر مکعب ێن غازا سڕۆشتی هناردە د کەت، وپلان هەیە نورد ستریم2 دابنن و راکێشن ژبۆ ئۆرۆپا د حالەتێ چێبوونا شەڕیدا ئەۆژی دێ ڕاۆەستیت و ناهێتە بجھئینان.
٣- سزایێن چاڤەرێکری کۆ ئەمریکا و ئۆرۆپا لسەر رووسی‌یا بسەپینن دێ بیاڤێن ووزێ ژ نەفت و غازا سڕۆشتی ۆ کەل و پەلێن تەکنەڵۆژی وبەنکێن رووسی کو د بیت رووسیا یێ ژ سیستەمێ سۆیفت دەڕپێخن کۆ 11 هزاڕ بەنک لسەڕتاسەڕی جیهانێ بکار دئینن و یا بناڤ و دەنگە ب ئەمانەت و لەزاتیێ، ود بیتە ئەگەر ژبۆ پەیداکرنا دەراڤێ بیانی ژبۆ رووسی و ئەڤە دێ دڕبەکا گڕان و کۆژەک بیت لسەر ئابوورێ رووسی.
٤- بڵندبوونا بهایێ نەفتێ و غازا سڕۆشتی کۆ دبیت بهایێ ئێک بەرمیڵا نەفتێ بگەهیتە 120 دۆلارێن ئەمریکی دیسان بهایێ غازا سڕۆشتی دوو قات لێ بهێت، دێ بیتە ئەگەر کۆ رێژا هەڵواسینێ ( زیادة معدلات التضخم ) لسەرتاسەڕی جیهانێ، ئانکۆ بهایێ هەمی کەڵ ۆ پەڵان گران ب بیت، نەخاسمە بهایێ کانزایان هەڕ وەسا بهایێ بەڕهەمێن پێشەسازی مینا نیکڵ و بلاتین و ئەڵەمنیۆم وئاسنی....هتد کو رووسی یا بەرهەمهێنەرەکێ سەرەکی یە ژبۆ ڤان جۆڕە بەرهەمان.
٥- بازارێ چەک ۆ تەقەمەنییان دێ گەڕم بیت، وهەمی ڕەنگ ۆ جۆڕێن چەک ۆ تەقەمەنییان دێ گڕان بن.
٦- دەما جەنگ ۆ قەیڕان دڕۆست د بن، ووەبەرهێنەڕ و بزنسمان پەنایێ د بەنە بەر پەناگەهێن ئاڕام وەکی کرینا زێری و چەند دڕاڤێن دەستنیشانکڕی وەکو فرنکێ سۆیسڕی و ئەستڕلینی و یەنی ....هتد ئەڤ چەندە ژی دێ بیتە ئەگەڕێ گرانبوونا وان بۆ نموونە نها زێر یێ گران دبیت، دیسان فرنکێ سۆیسڕی ئەۆش ساڵا 2015 وەڕە تا نها بڤی ڕەگی گڕان نەبوویە،بەڕامبەڕ ڤێ چەندێ دێ ڕۆبڵێ رووسی وهریفنا یێ ئۆکرانی بهایێ وان کێم بیت و داکەڤن.
٧- هەر هێڕشەکا رووسی ژبۆ سەر ئۆکرانی یا دێ بیتە ئەگەر وێ چەندێ کۆ پشتەڤانی ژبۆ ووەلاتێن دی ژی درۆست ب بیت هێرش و گەڤان بکەن و کێشە و مڵملانێن خۆە یێن سنۆری ب‌چەک ۆ هێزێ چارسەڕ بکەن،بو نموونە چین ژی هێڕشێ بکەتە سەڕ تایوان....هتد، ئەڤ ژی دێ بیتە ئەگەڕ کۆ نە ئارامی ونە سەقامگێڕی یا سیاسی و ئابووری و دوو دڵی لسەرتاسەڕی جیهانێ پەیدا ب بیت، و بەرهەم و وەبەڕهێنان لسەرتاسەڕی جیهانێ کێم بیت و جیهان بەڕ ب رکودەکا قەیرانەکا ئابووری یا جیهانیڤە بچیت.
نوسینی /ناڤسەر نوری
ئەم هەواڵە 8617جار خوێندراوەتەوە |
