|
نوسینی : رێبوار حەمەلاو شوانی پارتی ئەو رێباز و قوتابخانە بیروهزرییە كە خەبات و قوربانیدان و بەرگریكردنی لە ماف ، مێژوو و شوناس تەنها لە پێناو پارتێك و سنوورێكی جوگرافیایی دیاریكراو و بەرژوەندی شەخسی و حیزبابەتیی بەرتەسك نەبووە ، بەڵكو هەڵگری كۆمەڵێك پرەنسیبی نەتەوەیی و نییشتمانی و ئەمانداری ئامانج و رەمز و ئاڵا و شۆڕش و رٍاپەرینەكانی كورد وكوردستانە كە وەك میراتێكی گرانبەها بۆ بەجێی ماوە و بە خوێن و گیان بەرگرییان و داكۆكییان لێدەكات ، كە ئەگەر ئاماژە بەو خەرمانە دەستكەوت و بەرسیاریەتیی و هۆكارانە بكەین كە بەدرێژایی مێژوو دوێنی خەباتی نزیكەی هەشت دەیە و پێش دامەزراندنی پارتی دیموكراتی كوردستان لە سەر دەستی باوكی رۆحی نەتەوەیی كورد مستەفا بارزانیی و لە ئێستاشدا سەرۆك مسعود بارزانیی درێژەیان پێدەدات ، هۆكاری ئەو ڕق هەڵگرتن و دژایەتیكردنە بۆ ماوەییەی دوژمنان و بەركرێگیراوەكانیانە ،
یەكەم ،، پارێزكاریكردنی لە ئامانجی و دەستكەوتی شۆرٍشەكانی نەتەوەیی كورد ..
دووەم ،، پارێزگاریكردن لە ئاڵایی پیرۆزی كوردستان وەك سیمبول و هێمای نەتەوەیەكی ستەمڵێكراو .
سێیەم ،، بەردەوامیدان بە شۆرٍش و خەبات چ چەكداری و چ شارستانی و دیموكراسی لە پێناو بە دەستهێنانی مافی سەربەخۆیی و رزگاری هەموو خاكی كوردستان ..
چوارەم ،، سازش نەكردن لە سەر خاڵ بە خاڵ مافە رەوا نەتەوەییەكانی كورد وكوردستان ..
پێنجەم ،، داكۆكیكردن لە هەموو بزاڤ و حیزب و تێكۆشەران لە سەر ئاستی كوردستانی گەروە.
شەشەم ،، ناساندنی دۆزی كورد لە رووی خەباتی سیاسی و دیپلۆماسی و گشت پەیوەندییەكان بە وڵاتانی ناوچەكە و جیهان وەك نەتەوەیەكی ئاشتیخواز و رەسەن و خاوەن ماف.
حەوتەم ،، رەتكردنەوە و قەدەغەكردنی هەموو جۆرە شەرٍێكی كورد دژی كورد و رشانی خوێن بەدەستی هاونیشتیمانییەكانی ..
هەشتەم ،، ناساندنی گەلی كورد وەك نەتەوەییەكی ئازا و قارەمان نەك وەك شەرانگێز و داگیركەر و تێكدەر بە شێوەیەك ئەمرٍۆ هێزی پێشمەرگەی كوردستان بووەتە شوناس و شانازی كورد و كوردستان و سرٍینەوەی هەموو ئەو بیرو بۆچوونانەی كە لە رابردوو لە بارەی پێشمەرگەوە ، لەلایەن نەیارانی كورد و پێشمەرگە دەگوتران .
نۆیەم ،، ئەنجامدانی رٍیفراندۆمی سەربەخۆیی وەك شۆڕشێكی ئازادیخوازانە و ئاشتیخوازانە و مافخوازانە و دیموكراسیخوازنە لە نێو جەرگەی هەر چوار وڵاتی داگیركەر ، سەركەوتنی مێژوویی و بەرچاو وەك ئاماژەیەك بۆ ئەوەی كە ئەمرۆ یا سبەی گەلی كورد دەبێتە ببێتە خاوەنی راستەقینەی خاك و نیشتیمان و سەربەخۆیی خۆی.
دەیەم،، سەركەوتن و گەشەسەندن و پێشكەوتنەكانی قەوارەی هەرێمی كوردستان لە رووی سیاسی ، ئابووری ، كۆمەڵایەتی و دیپلۆماسی و پەروەردە و ئینجا پارێزگاریكردن لە سەقامگیری وپێكەوە ژیانی ئاشتیانە و وەك وڵاتێكی سەربەخۆ و پێشكەوتوو و ئینجا مامەڵەكردنی وڵاتانی ناوچەكە و زڵهێزان لەگەڵ سەركردایەتیی سیاسی هەرێمی كوردستان وەك پارا دیپلۆماسی و سەركەوتن و گەشەسەندنی بەردەوام و دەیان دەستكەوتی بێ شووماری دیكە وایانكردووە كە نەیاران و دوژمنان گشت ئامرازێك بۆ رێگریكردن لەو گەشەكردنە بەكار بێنن و رٍق و كینەی خۆیان بەرامبەر بە پارتی و بارزانیی دەربخەن ، بەڵام ئەو خوێندنەوە ژیرانە و خۆراگری و پشوودرێژییە پارتی دیموكراتی كوردستان بەرابەرایەتی سەرۆك بارزانیی هەموو ئەو هەوڵە نەزۆك و پیلانگێرانییەی پووچەڵكردۆتەوە بەرەو ئاسۆیەكی گەش بۆ كورد و كوردستان .
ئەم هەواڵە 8965جار خوێندراوەتەوە |
