2021-11-13 [11:26 AM]

ئەگەر هەڵوەستەیەك لە سەر رەوشی خەبات و تێكۆشانی سیاسی هەر چوار بەشە بە زۆر لەتكراوەكەی كوردستان بروانین ، بەشی باشووری كوردستان كە ئەمرٍۆ خاوەن قەوارەی خۆیەتیی و ئەزموونێكی باش و دروستی هەیە لە ئازادیخوازی و ئیدارەدان و بەرێوەبردن ،بووەتە وزە و بزوێنەری و پاڵنەرێكی بەهێز  بۆ كوردانی  ئەو بەشانەی دیكە تا ئێستا لە ژێر زۆرداری و ستەمكاری رژێمە داگیركەرەكانی كوردستان  تا ئێستا بە مافەرەواكانیان نەگەیشتوون بەتایبەت كە دەبینرێت رۆژانە لە  هەلومەرجێكی زۆر سەخت و دژواردا  رووبەرووی كوشتن و بڕین و زیندانیكردن و دەبنەوە 
نەتەوەیەكی مافخواراو كە زیاتر لە سەد ساڵە بەرگەی چەوسانەوە و هەمووجۆرە چەك و هەوڵی سرێنەوەی داگیركەرانی تورك ، فارس و عەرەبی گرتووە ،بەڵام زۆر بەهێز و وەك چیاییەكی پۆڵایین بەرگەی هەموو ئەو تاوانەی گرتووە تا رۆژێك مافە زەوتكراوەكانی بەدەست بێنێتەوە ، 

ئەوەی لە كوردا ئامادەیە ئەو فۆرمانەیە لە زیندووبوون كە دەشێت ئومێد و چاوەڕوانی پۆزەتیڤیان لەسەر بنیادبنرێت. ئەوەی دەبینرێت وزەیەكی گەورە و سەرسوڕھێنەری ئیشكردن و نەبەزینە كە دەتوانێت سەرچاوەی وانەێكی ڕەوشتی و سیاسیی گرنگ بێت بۆ ھەموو ئەو كەس و ھێز و لایەنانەی كە نووقمی ناو باوێشك و خەواڵوبوونی سیاسیی و كۆمەڵایەتیی ھەمەجۆرن.

بەداخەوە هەندێك لە كەسایەتی سیاسی و لایەنی سیاسی هەن گوتارێكی بێمانا و ترسناكیان هەیە و ئامادەن كە جگە لەوەی سادەبوونێكی كوشندە ئاراستە دەكەن و پێیان وایە كوردبوون دیاردەیەكە پێویستە بەزەوقی ئەوان بجوڵێتەوە و یەك شێوە و یەك مانا و یەك دەركەوتی ھەبێت و ھەموو ئەمانەش لەگەڵ چاوەڕوانییەكانی ئەواندا تەبابێت، ھاوكات گوتارێكی تەواو تاریك و نائومێدكەریشە كە ئەركی ژمارەیەكی شاردنەوەی تواناكە نامرۆڤایەتی ئێمە و ئیھانەپێكردن و سڕینەوەیەكی ھەمەلایەنی ڕەھەندە سیاسییەكانی ناو كەسایەتیانە مرۆڤانەیە. نیشاندانیشیەتی وەك بوونەوەرانێكی بێ كردەوە و بێ توانا و نەزان و ناچالاك، وەك كەسانێكی نەفام كە ھیچ شتێكی ماناداری لەناو مێژوو و ژیانی خۆیاندا ئەنجام نەداوە. وەك كیسە و نایلۆنێكی بەتاڵ بەناو دونیادا تێپەڕیون و تێدەپەڕن لەسەرێكی دیكەوە ئەم گوتارە ڕۆحیەتێكی نارسیستماتیك و خۆپەرستانەی سەرسوڕھێنەر ئاراستەی دەكەن كە زمان و دەستەواژەی سەرەكیی بۆ قسەكردن لەسەر ئەم كۆمەڵگایە بریتییە لە بە گەمژە ناساندن و بە ھیچ تەمەشاكردن و بە بێ نرخ نیشاندانی كردە مێژوویی و سیاسیەكان .
بۆیە لەكۆتاییدا دەڵێم كورد بوون و شانازیكردنتان تەنها قسەكردن و جل و بەرگ لەبەر كردن نییە كار و كردەوەو ڕەفتار و دڵسۆزیتانە بۆ نەتەوەو خاكی پیرۆزی كوردستان و ئەرك و بەرپرسیاریەتییە لە سەختترین قۆناغەكاندا، بەتایبەت لەو كاتە هەستیارانەدا كە دوژمنان ونەیاران هەوڵی دروستكردنی بێ‌ ئومێدكردنی كورد وكوردستان یان داوە .