2021-10-24 [05:51 AM]

دنوکەدا ژبەر تەکنولوژیا پێشکەفتی و زانیاریێن سوشیال مێدیایێ لاو پتر ژ رابردوی ئاگەھدارتر و ھشیارتر و ھەستیار ترە و داخوازا ماف و بەشداریەکا زێدەترا سیاسی دکەن ، نەڤیێ ڤی سەردەمی وەکو نەڤیێ سەردەمێ رابوری نینە و ئاشناترە ب جور و شێوازێ ژیان و گوزارا وان ولاتێن پێشکەفتی و کەساتیا خو و ژیانا خو دگەل وان ھەمبەر دکەت.
نەڤیێ ڤی سەردەمی حەز ل ھەبونا دەرفەتێ دکەت بو سەلماندنا خو و نیشاندانا شیانێن خو بو بەرەف پێشڤەبرنا وەلاتێ خو .
حەزو پێدڤیێن لاوان لدۆیف ھزرێن زانایان لدۆر تشتێن ماددی بتنێ کوم نابن، بەلکو ھەر لاوەکێ دڤێت رێز و پێگەھێ خو ھەبیت لدۆیف شیان و ھێزا وی دناڤ کومەلگەھێ دا، لەورا فشارێن لاوان بو سەر دەولەت و حکومەتان زێدەتربوینە بو بدەستڤە ئینانا پێدڤیێن ماددی و نەماددی،
ئەو ولاتێن دامەزراوێن وێ بھێز بن و بتنێ بو خزمەتا کەس و گروپا نەھاتبنە بکارئینان، بەلکو دامەزراوێن وێ راستەقینە و نیشتمانی و بو خزمەتا گشتی بن و لاوان بگرنگترین و مەزنترین سەرمایێ وەلاتی دانن، و لدۆیف پیڤەرێ ئاستێ خواندنێ و شیانێن کەسی و دلسوزی بو وەلاتی گەلەک باشتر دشێن خوبو داخوازی و رازیکرنا لاوان ئامادە بکەن و دەرفەتێ بو برەخسینن، ئەو ولاتە ژبەر سیاسەتەکا رون و دروست دشێن باشتر خو دگەل سیاسەتا نیڤ دەولی بگەھینن و دشێن بساناھی ئاسایش و بەرژەوەندیێن خو دجیھانا بەرگورانکاریادا ب پارێزێن و مفای ژ دەرفەتێ وەربگرن