2021-10-24 [05:14 AM]

بەری چار ساڵا و پشتی ڕێکەفتنا خیانەتکاریا ١٦ ێ ئکتۆبەرا ساڵا ٢٠١٧  دناڤبەرا زۆرینەیا سەرکردایەتیا ئێکەتیا نشتیمانی کوردستانی و حەشدا شەعبی و حکومەتا عیراقێ و هندەک وەڵاتێن هەرێمی بۆ رادەست کردنا کەرکووکێ و داگیرکرنا هەرێما کوردستانێ بهێزا لەشکری ، پشتی هێزێن چەکداری یێن سەر ئێکەتیا نشتیمانی  ب فەرمانا سەرکردایەتیا خۆ ب نهێنی سەنگەرێن بەرگریێ بەردای و رادەستی حەشدا شەعبی کری خەلکێ کوردپەروەرێ کەرکووکا نازدار و  دلێ کوردستانێ تۆشی مەزنترین خیانەت و بێ رێزی بوو و میلیشیایێن داگیرکار دۆر ل هەمی رەووشتێن مرۆڤایەتی بێ ڕێزی بەرامبەر سۆمبۆل و پیرۆزیێن خەلکێ کوردستانێ کرن مینا ئاڵا و پێشمەرگە . 
لەشکرێ داگیرکارێ عیراقێ و میلیشیایێن وەڵاتێن هەرێمی یێن سەر وانڤە ب هەمان ووڕە بلندیا هاتینە کەرکووکێ باوەری بۆ خوو چێکر کۆ ئەو گرۆپێ خیانەتکار نوونەرایەتیا خەلکێ کوردستانێ دکەن و کەس نیە رێکێ لێ بگریت . 
لەوما ب درۆشمێ هاتین هەولێر ( قادمون یا هولیر ) بلند کرن و میدیا و سۆشیال میدیایا وی لایەنێ خیانەتکا ژی ب پرۆپاکندێن درەو و دۆر ل ڕاستیێ و نەتەوایەتیێ بۆ لاوازکرن و بێ ووڕەکرنا هەستا نشتیمانی و شۆڕەشگێریا خەلک و پشمەرگەهێ کوردستانێ مەزنترین پشتگیریا داگیرکارابوو . 
لێ ب فەرمان و پشکداریا سەرۆک بارزانی و ب هەستا نەتەوی و نشتیمانیا شۆڕەشێن بارزان و ئیلۆنێ و گوڵانێ و سەرهەلدانێ و ب درۆشمێ کەڤن و هەردەمیێ پارتی و پێشمەرگەهێن ( کوردستان یان نەمان ) لرۆژا ٢٠/١٠ و رۆژێن دیفرا  ل پردێ و سحێلا و مەحموودیێ و تلسقوف بەراهی ل وی لەشکرێ بێ هژمار و خودان مەزنترین و کاریگەرترین چەکێ پێشکەفتی گرت و ب پلخاندنا تانک و زریبۆش و ئەبڕامزان و کوشتن و برینداربوونا بهزاران چەکدارێن حەشدا شەعبی و میلیشیایێن وەڵاتێن هەرێمی داستان و سەرکەفتنێن هەرە مەزن تۆمارکرن، عیراق و وەڵاتێن هەرێمی و هندەک وەڵاتێن نیڤ دەولەتی ژی ب ڤان سەرکەفتنێن پێشمەرگەهێ کوردستانێ ب پشکداری و رێنمایی یێن سەرۆک بارزانی حیبەتی بوو . 

بڤان سەرکەفتنێن پێشمەرگەهێ کوردستانێ بۆ عیراقێ و خەلکێ کوردستانێ و جیهانێ دیار بوو، کۆ پارتی دیموکراتی کوردستان و سەرۆک بارزانێ هەلگر و پێشەویێن پڕۆژێ نشتیمانی و نەتەوەیی یێ کوردستانێ نە و هەر ئەو دامەزرێنەر و پارێزەرێن قەوارێ هەرێما کوردستانێ نە و لسەر دەستێ وان ژی پرسا کوردی و ئەڤ قەوارە دێ پێشڤە چیت . 
ژلایەکێ دی دیار بوو کۆ پارتی و سەرۆک بارزانی دگەل خەلکێ کوردستانێ د ئێک بەرە دانە و چ جارا ناهێنە ژێک جوداکرن ، 

ڕاستە ئەڤ داستان و سەرکەفتنێن پێشمەرگەی سەرکەفتنێن لەشکری بوون و شکۆ و پیرۆزیێن گەلێ کورد پاراستن و خەونێن دوژمنا بۆ داگیرکرنا کوردستانێ بن ئاخ کرن ، لێ سەرکەفتنەکا سیاسی ژی بوو ، چونکی بوویە ئەگەرێ گۆڕینا هەڵویستێن سیاسی یێن دەولەتا عیراقێ و هندەک وەڵاتێن هەرێمی و نیڤ دەولەتی بەرامبەر هەرێما کوردستانێ ئەوێن پشتی ڕاپرسیا سەرخۆبوونا کوردستانێ و ( ١٦ ) ێ ئکتۆبەرێ دروست بووی، چونکی پشتی ڤان داستان و سەرکەفتنێن مەزن گەماروویێن سیاسی و ئابووری یێن سەر هەرێما کوردستانێ هاتنە شکاندن و دەرگەهێن دیالۆگ و دانۆستاندنان هاتنە ڤەکرن . 

خەلکێ کوردستانێ دزانیت کۆ شانازیا ڤان سەرکەفتنا و پاراستنا قەوارێ هەرێما کوردستانێ بۆ پارتی دیموکراتی کوردستان و سەرۆک مسعود بارزانی دزڤریت، لەوما رۆژ بۆ رۆژێ خەلکێ کوردستانێ زێدەتر پەنایێ دبەتە بەر پارتی دیموکراتی کوردستان و ل هەلبژاردنا باوەریێ ددەتێ ، سەرکردێن جیهانێ ژی ڤێ ڕاستیێ دزانیت لەوما د هەمی سەرەدانێن خۆدا بۆ کوردستانێ و عیراقێ بێ دیتنا سەرۆک بارزانی و سەرکردێن پارتی ڤەناگەرێن .