2021-10-19 [06:32 AM]

بێگومان مێژووی بزاڤی رزگاری خوازی گەلەکەمان کۆمەڵێک خاڵی ئەرێنی پارتی دیموکراتی کوردستان بۆ دەر دەکەوێت لەکایەی سیاسی بەرجەستەی کردووە وەک ڕۆژی پڕشنگدار لەلاپەرەکانی مێژوو تۆمار کراوە و ئێستا بۆتە جێگای شانازی ھەموو میللەتی کورد، لەبەرامبەردا کۆمەڵێک خاڵی نەرێنی ئەو لایەن و حزبانەت بۆدەر دەکەوێ کە دژایەتی پارتی دیموکراتی کوردستانیان کردوە و وەک لاپەڕەیەکی  ڕەش لەلاپەرەکانی مێژوو تۆمار کراوە، ئەگەر وردبینەوە تاکە ھاوکێشەی لایەنەکانت بۆ دەرەکەوێ  گەیشتنە بەخاڵی سفر و ڕۆژ لەدوای ڕۆژ بچوک بوینتەوە.

بێگومان باسی مێژووی کۆن ناکەم ، بەڵکو ئەگەر بۆ مێژووی نوێی گەلی کورد بگەڕێینەوەو بەتایبەت دوای ڕاپەڕینی گەلی کورد و  لە یەکەم ھەڵبژادنی پەرلەمانی کوردستان  ، کاتێک پارتی دیموکراتی کوردستان توانی ڕێژەی (٥١%) دەنگەکان بەدەست بھێنێت ، بەڵام بەھۆی ناڕازی ئەوکاتی یەکێتی نیشتمانی کوردستان  کە ڕێژەی(  ٤٩%)بەدەست ھێنا بوو  ،  لەپێناو سەر خستنی ھەڵبژاردن و درووست کردنی یەکەم کابینەی حکومەتی ھەرێم  سازشی لە (٢%)دەنگەکانی کرد و حکومەتی ھاوبەشی لەگەڵ یەکێتی پێک ھێنا ، بەڵام لەخۆبایی یەکێتی وای لەو حزبە کرد و شەڕی نەگریسی براکوژی ھەڵبگیرسێ و قۆناغی ئاوەدان کردنەوە و درووست کردنی حکومەتێکی بەھێز دوا بکەوێ و ھەر ئەمەش وای لەو حزبە کرد ، ڕۆژ لەدوای ڕۆژ بچوک بێتەوە، لەبەرامبەردا پارتی بەگەورەی و بەھێزی بمێنێتەوە  و  بەرەو لوتکە ھەنگاو بنێت .
 
بگێومان ھەڵبژاردنی ئەم جارەی ئەنجومەنی نوێنەرانی عێراق  ڕووی ڕاستە قینەی ئەو حزبانە نیشان دا کە دژایەتی پارتیان دەکرد ، ھەر ئەمەش بوو ھەندێکیان گەیشتنە خاڵی سفر و ھندێکیان  لەھاوکێشەی سیاسی تەنیا بونە خاوەنی یەک ، لە بەرامبەردا پارتی ببێتە یەکێک لە حزبە بەھێزەکانی عێراق ، بەڵام زۆری کورسیەکان وای لەو حزبە نەکردووە نەگەڕێتەوە بۆ حزبەکانی تری گۆڕەپانی سیاسی کوردستان و نایەوێت ئەم دۆخە نەخوازراوەی لەباشوری عێراق درووست بوە و لەھەرێمی کوردستان درووست بێت ، لەبەرامبەردا  ھەرزوو بەھۆی فیز و تەکبوری ھەندێک لایەن کەخاوەن ھیچ پێگەیەکی بەھێز نین لە پەرلەمانی عێراق رەتیان کردەوە لەگەڵ پارتی دابنیشن و گفتوگۆ بکەن و کورد ببێتە خاوەن پڕۆژەیەکی بەھێز لەبەغدا ، بەڵام لەبەرامبەردا پارتی  ئامادەیە لەدەرگای ھەموو حزبەکان بدات لەپێناو ئەوەی بەیەک دەنگ و بەیەک ڕەنگ لە بەغدا بەرگری لە مافە ڕەواکانی میللەتەکەمان بکەن ، کاتێک پێش  ھەڵبژاردن باسی ئەوە دەکرا بۆ بەغدا پێویستمان بە پارتێکی بەھێز ھەیە و لەو پێناوەدا پارتی ھەڵبژێرە ، پارتیەکان دەیانزانی حزبەکەیان تاکە ئامانجی بەھێز کردنی پێگەی کوردە لەناوچەکە، دەست پێکردنی گەشتی پارتی بۆلای حزبەکان چ ئەوانەی خاوەن کورسی پەرلەمانین ، یاخود ھیچ کورسیەکیان نیە بۆ ئەوەیە بەحزبەکان  بڵێت  ڕاستە ئێوە کورسی پەرلەمانیتان نیە و یان خاوەن کورسی پەرلەمانین، کورسی پەرلەمان لای ئێمە گرنگ نیە  ، ئەوەی بەلای ئێمەگرنگ و  پێویستە یەک دەنگ و یەک ریزیە بۆ ئەوەی ببینە قەڵغانێک تاوەکو  ئەم قەوارە یاسایەی لە باشوری کوردستان درووست بووە بپارێزین و بەبەھێزی بمێنێتەوە و پاراستنی ئەرکی ھەموانە ئەگەر ئێوەش لە پاراستنی ئەم قەوارەیە ھاوبەشمان نەبن وەک شەڕی پردێ و سەحێلا ئێمە خاوەنی ئەو ھێزەین دەتوانین پارێزگاری لەخاک و ووڵاتمان بکەین ، بەڵام بەھێزی ھەموان لەڕێکخستنی نێو ماڵی کورد و یەک ریزی و یەک دەنگی  دایە .

 ئامانج و خەباتی  پارتی دیموکراتی کوردستان لەم قۆناغەدا بەھێزکردنی ھەرێمە ، بۆیە پێویستە گەل ھۆشیارانە مامەڵە لەگەڵ  قۆناغە ھەستیارەکان بکات و کاتی چەواشەکردن  بەسەر چووە و باش دەزانێت ئەو حزبانەی دژایەتی پارتیان کرد یان بونەتە خاڵی سفر ، یانیش لەم خاڵە نزیک بونەتەوە .

نازم شێخانی