|
نڤیسینا : غیاس خالد زێباری د عیراقا نوو یا دیموکراسی و فیدرالیدا یا پشتی ژناڤبرنا رژێما بەعسا دکتاتۆر ل سالا ٢٠٠٣ ێ یێ شۆڕەش و شەڕێن چەکداری ل نەهاڵ و چیایێن کوردستانێ و کوردایەتی هاتە ڤەگۆهاستن بۆ هۆڵا جڤاتا نوونەرێن عیراقێ و پەیوەندی و دبلوماسیا سیاسی .
حەفتێ و پێنج ساڵە پارتی دیموکراتی کوردستانی و بەرێ وێ ژی ب دەهان ساڵا پێشەوایێن رێبازا بارزانی پێشەوایێن بزاڤا ڕاستەقینەیا کوردایەتیێ و نەتەوایەتیێ بوون، ب تایبەت لسەردەمێ نەمر شێخ عەبدولسەلامێ بارزانی هەتا دگەهیتە بارزانیێ نەمر، پارتی دیموکراتی کوردستان ژی ڤەرێژا خەبات و قورانیدان و پەروەردەیا نەتەوایەتی و نشتیمانی و جڤاکی یا وێ رێبازێ یە .
پارتی دڤی تەمەنێ خۆدا رێبەری و پێشەوایەتیا هەمی شۆڕەش و بزاڤێن نەتەوی و نشتیمانی کریە، ژبلی سەرکەفتن و داستانێن مەزن نەخاسمە ل شۆڕەشێن ئیلوونێ و گوڵانێ دا، پارتی هێزەکا جەماوەریا مەزن یا کوردایەتیێ پێک ئینایە، ئەو ژی هێزا خەلکێ کوردستانێ یە ل هەمی ئێکهاتێن ئایینی و ئەتنی و جڤاکی و پەروەردەکرنەکا ساخلەم لسەر رێزگرتنێ و بلندکرنا هەستا نەتەوی .
دڤان حەفتێ و پێنج ساڵان دا پارتی هەردەم لسەر رێکا راستەقینەیا کوردایەتیێ و مرۆڤ پەروەریێ خەبات کریە و قوربانی دانە، بێ کۆ ل بەرتەنگترین کاودان دا ئێک خۆلەک ژی رادەستی قەدەرێ ببیت، یان دەستا ل کوردایەتیێ و مافێن نەتەوی و پیرۆزیێن نشتیمانی بەردەت .
بهێزبوونا پارتی ژی هەردەم بهێزبوونا کوردایەتیێ وکوردستانێ بوویە، ئەڤە ژی ڤەدگەرێتەڤە بۆ پەروەردەیا رێبازا پیرۆزا بارزانی و هەبوونا سەرکردە و سەرکردایەتیەکا خودان هەڵویست و بریار و داکۆکیکار لسەر مافێن مللەتی ژپێخەمەت ئازادی و رزگاریا کورد و کوردستانێ و بەختەوەریا جڤاکی و بلند ڕاگرتنا بەرژەوەندێن گشتی لسەر هەمی بەرژەوەندێن تایبەت و حزبی .
د شەر و بەرهنگاریێن سپی ژی دا ، ئانکۆ شەر و بەرهنگاریێن سیاسی و دەستووری و یاسایی دا ل هۆڵا جڤاتا نوونەرێن عیراقێ ل بەغدا، دیسان پارتی خۆیا و تەکەز کریە کۆ نوونەرێن پارتی چ ئەندامێن جڤاتا نوونەران بن یان دناڤ سازیێن دیتر یێن دەولەتا عیراقێ، هێزا کوردایەتیا راستەقی نە یێن بەڕەڤانکارێن ماف و ئارمانجێن خەلکێ کوردستانێ نە و پارێزەرێن مانەڤە و بهێزکرنا قەوارێ هەرێما کوردستانێ .
پارتی و سەرۆک مەسعوود بارزانی بوون ئەگەرێن سەرەکی یێن چەسپاندنا پشکەکا زۆرا مافێن کوردستانێ د دەستوورێ هەردەمیێ عیراقێ دا لسەر بنەمایێ فیدرالیەتا دیرووکی و جوگرافی و دەستووریکرنا قەوارێ هەرێما کوردستانێ .
نوونەرێن پارتی رێگر بوونە ل دەرکرنا چەندێن یاسا و بریارێن دژی بەرژەوەندێن خەلکێ کوردستانێ و ڕاستڤەکرنا دەستووری و داکۆکیکەر بوونە ل دابینکرنا بۆدجە و موستەحەقاتێن فەرمانبەرێن کوردستانێ، ئەو زۆرداریا لڤان ساڵێن داویێ ب بڕینا مۆچە و بۆدجێ کوردستانێ بەغدا ل کوردستانێ کریە، دەرڤەی ئیرادا پارتی بوونە و ژ ئەنجامێ دەرکەفتنا نوونەرێن هندەک پارتیێن کوردستانێ بوویە ل پرنسیپێن نشتیمانی و کوردایەتیێ ژبەر هندەک دەسکەفتێن ماددی و هەڤڕکێن حزبایەتیا بەرتەست چوونە بەرەیێ دژبەرێن کوردایەتیێ ،
وەکی داخازیێن بڕینا بۆدجە و مۆچێ کوردستانێ و رێگریکرن ل سەربەخۆیا ئابوور و نەفتا کوردستانێ و شەرعیەت دانا حەشدا شەعبی و ...هتد
سەر ڤێ چەندێ را ژی نەشیان پارتی نەچاری مەرج و بریارێن وان بکەن و پارتی وەکی حزبا ئێکێ ل کوردستانێ و عیراقێ ما .
ئەز باوەرم خەلکێ کوردستانێ ڤان هەمی ڕاستیا دزانیت و دبینیت و ل داهاتی ژی دێ کەتە ئەگەرێ دەنگدانێ ب کاندیدێن پارتی بۆ ڤان هەلبژاردنێن پێشوەخت یێن جڤاتا نوونەرێن عیراقێ، چونکی دزانن کۆ نوونەرێن پارتی دناڤ دەولەتا عیراقێ دا ب هەمی سازیڤە کوردایەتیا ڕاستەقینە دکەن و ماف و ئارمانجێن خەلکێ کوردستانێ و قەوارێ هەرێما کوردستانێ دێ پارێزن و پێشڤەبەن و زێدەتر کەن .
ئەم هەواڵە 3454جار خوێندراوەتەوە |
