2021-08-31 [06:12 AM]

لە ئێستادا خەڵکانێکی زۆر بە دەست نەخۆشیەکانی دڵەوە دەناڵێنن و دوور دەکەونەوە لە وەرزش کردن، بەڵام توێژینەوەکان دەریانخستووە کە ئەنجامدانی ھەندێک راھێنانی وەرزشی وا دەکات ماسولکەکانی دڵ بەھێزتر بێت و گرنگترین سوودەکانی وەرزش بۆ دڵ خۆی لەمانەی خوارەوە دەبینیتەوە .

•    وەرزشکردن راھێنان بە ماسولکەی دڵ دەکات و بەمەش چالاکی دڵ زیاتر دەبێت و کارەکەی باشتر ئەنجام دەدات.

•    پاراستنی دڵ و خوێنبەرەکان لە تووشبوون بەنەخۆشی وەک تەمبەڵی و بێ تاقەتی کە ئەمانە دەبنە ھۆی کەڵەکەبوونی چەوری لە ناو لەش و ھەروەھا کۆبوونەوەی کۆلیسترۆل لە نزیک دیواری ناوەوەی خوێنبەرەکان، ئەمەش دەبێتە ھۆی تووشبوون بەجەڵتەی دڵ و گرژبوونی ماسولکەکان و خوێنبەرەکان، چونکە بەھۆی وەرزش کردن چەورییەکان لەناو دەچن و کێشی مرۆڤ کەم دەبێتەوە و رێژەی کۆلیسترۆلی نەرێنی بەرەو نزمی دەڕوات  و کۆلیسترۆلی سوود بەخش زیاد دەبێت. 

•    وەرزش کردن دەبێتە ھۆی چالاک کردنی سووڕی خوێن و گواستنەوەی خۆراک و ئۆکسجین لە دڵەوە بۆ بەشەکانی دیکەی لەش و ھەروەھا ژەھرەکان لەناو دەبات، دڵ بەشێکە لە سیستەمی کاری دامەزراوەی دڵ و پێداویستی خۆی لە ئۆکسجین و خۆراک بەدەست دەھێنێت . 

•    راھێنانە وەرزشییەکان یارمەتیدەرن بۆ نەھێشتنی دڵەراوکی و دڵتوندی و ھەورەھا ووزەی نەرێنی لەناو لەش ناھێلێت و ئەم جۆرە ھەستانەش کاریگەری لەسەر مرۆڤ ھەیە. 

•    وەرزشکردن یارمەتی مرۆڤ دەدات بۆ ئەوەی زیاتر بخەوێت و بواربدات بە ماسولکەی دڵ بۆ ئەوەی پشووی بدات لەو چالاکیانەی رۆژانە ئەنجامی دەدات . 

•    وەرزش کردن یارمەتی مرۆڤ دەدات لەسەر رێکخستنی پاڵەپەستۆی خوێن . 

•    وەرزش کردن مرۆڤ بەختەوەرتر دەکات و ئەمەش کاریگەری ئەرێنی دەبێت لەسەر تەندروستی دڵ و بەم شێوەیە لە نەخۆشییەکان دەیپارێزێت.

•    لەگەڵ وەرزش کردن دڵ رادێت لەسەر ئەوەی کاری زۆر بکات و دوور بکەوێتەوە لە تەمبەڵی.