2021-08-21 [06:04 AM]

پێش دەستبەكاربوونی كابینەی نۆیەم بە سەرۆكایەتیی رێزدار مەسروور بارزانیی دژایەتیی و بەربەستی زۆر و دوای بەكاربوونیشی بەهەمان شێوە لەماوەی دوو ساڵی رابردوو بەكردەوە بینرا ، كە سەرۆكی حكومەتی كوردستان لە گشت بۆنە و دیمانە و گووتارەكانیدا ، چۆن بە ڕاستگۆیی و ڕاشكاویی بووە مەشخەڵی ئومێد و هیوا بۆ گەل و نیشتیماكەی و بە پشوودرێژی و بەرنامە و پلان و ستراتیژی توانیی شكۆ وسەرفرازی میللەكەی و قەوارەكەی بپارێزێت و بە سەر قەیران و كۆسپەكاندا بە سەركەوتوویی زاڵ بێت ..
دڵسۆز و خەمخۆری و پێداگری رێزدار مەسروور بارزانیی سەرۆكی حكومەتی كوردستان بەرانبەر ئێس و ئازارەكانی گەل و نیشتیمانەكەی ، هەر بە كردەوە و ووتارەكانیی و دانانی بناغەی چەندین پرۆژەی خزمەتگوزاری لە گشت بوارەكاندا بووە سیمبوڵی خۆراگری ، سەڕەرایی هەموو كۆسپەكان و پیلانگێرییەكان بەڵام هەردەم بە بەرنامە و خزمەتكردنی كردەیی وەڵامی هەموو نەیارانی دەدایەوە ، لە هەمان كاتیشدا دوژمنان ونەیاران هیچ كات شارەزاییان لە كەسایەتیی و بۆچوونەكان سەرۆكی حكومەت نەبوو ، نە هەستی كوردپەوەری و نەهەستی نیشتیمانپەوەری لە نێو ئەو كەس ولایەنانەدا بوونی هەبوو تەنها زێهنیەتی خۆرادەستكردن و ژێر دەستی نەیارانی كورد وكوردستان نەبێت .
دوژمنانی گەلەكەمان وقەوارەی هەرێمی كوردستان ، بەردەوام قەیران و كۆسپی گەورەیان لەبەردەم هەنگاوەكانی كوردستانی بەهێز و كابینەی نۆیەمی حكومەتی كوردستان بە سەرۆكایەتیی رێزدار مەسروور بارزانیی دروست دەكرد هەم لە سەر ئاستی نێوخۆیی، عێراق و هەرێمایەتییی، بەڵام ئیرادەی پۆڵایین و باوەر بوون بە ئایندەیەكی گەش بۆ كوردستان و هەروەها دڵسۆزانی ئەم خاك و نیشیتمانە ، وایانكرد كە گشت نەخشە و پیلانگێرییەكان وەك شێرە بەفرینەكان لەبەردەم ئیرادەی لەبن نەهاتوویی كورد وكوردستان بتوێنەوە .
لەلایەكی دیكەوە، رژدبوونی سەرۆك وەزیرانی كوردستان لە كاروبەرنامەكانی دا ، لەماوەی 25 مانگی رابردوو، ڕاشكاویی و راستگۆییان بەتایبەت لەگەڵ پەرلەمانتاران و چین وتوێژەكان و روونكردنەوەی پێوست ، ئاماژەیەكی روونی هەنگاویی گەورە و ستراتیژیی و سەركەوتنی گەورەن بۆ كوردستانی بەهێزتر و بەردەوام جەختكردنەوە لە یەكریزی و یەك تیمی كاركردن بۆ سەركەوتن بە سەر كێشە و تێكشكاندنی كۆسپەكان كە بە كردەوە بەرهەمەكانی دەبینرێت.
هەروەها خەمخۆری و دڵسۆزی بەرێزیان لە سەر گشت ئاستەكانی تری حكومڕٍانی و سیاسی و دیپلۆماسی و وایانكرد ، كە سەنگ و پێگەی هەرێمی كوردستان و متمانەی زیاتر بۆ قەوارەی هەرێمی كوردستان دروست بكرێت ، پەرەپێدانی پەیوەندییەكان و كاری هاوبەش و هەماهەنگیی ئەمنی و سیاسی و سەربازی و كەرتی كشتوكاڵ و پرۆسەی چاكسازی و چەندین بابەتی تر كە گرنگن بۆ‌ بەهێزكردنی هەرێمی كوردستان
هەنگاو و پرۆژەكانی كابینەی نۆیەمی لە ماوەی 25 مانگی رابردوو، ، جۆرێك لە هیوا و گەشبینی دەبەخشێت لەنێو ئەو كەشوهە نالەبارەی كە بەداخەوە بەشێك لە میدیای كوردی و میدیای عێراقی و هەرێمایەتی دروستیان كردبوو و وێڕای قەیرانە ڕاستییەكان كە هەبوون، حكوومەتی هەرێمی كوردستان بە كەمترین قسە و زۆرترین كردار،‌ لە زۆربەی سێكتەرەكاندا هەنگاوی باشی هاویشتووە‌، ، سەرۆكی حكوومەتی كوردستان بە ژیری و پشوودرێژی خۆی سەرپەرشتیی دانوستانی لەگەڵ حكوومەتی عێراق كرد و هەر لە سەرەتاوە تیمی تایبەتی دانوستانی حكوومەت دروست كرد و پاش دەیان سەردان و گفتۆگۆ و دانوستان لەگەڵ بەغدا گەیشتنە ئەوەی لە بودجەی 2021ی عێراق بەشی هەرێمی كوردستان جێگیر بكەن.سەرەڕای ئەو هەموو ئاستەنگ و قەیران و لەمپەرانە، هەموویان لەجێی خۆیدا بوون و زۆربەیان هاتنە دی، خەونی نەیاران و ناحەزان تووشی شكستی گەورەبوونەوە ، بەتایبەت بەرانبەر بە سەركەوتنی سەرۆكی حكوومەت یان تیمە وزارییەكەی، یاخود حزبەكەی سەرۆك وەزیران، یان هەر گرێی دەروونییان بەرامبەر بە سەركەوتنی كورد و كوردستان هەیە، ئێستا پیش دەخۆنەوە و ناخیان پڕە لە زووخاو، خودای گەورە ناخیان خاوێن بكاتەوە و كوردستانیش لە نەیاران و خۆفرۆشان و دوژمنان و داگیركەران بپارێزێت. هەموو ئەو ڕاستییانە ، پێمان دەڵێن كە مەسروور بارزانیی پیاویی كردەوە ، خزمەتگوزار، ڕاستگۆیی بۆ گەل ونیشتیمانەكەی.