2021-08-17 [10:45 AM]

پارتی دیموكراتی كوردستان  قوتابخانەیەكی بیروهزری نیشتیمانی و نەتەوەییە و، كە خاوەن مێژووییەكی 75 ساڵەیەیە بە مێژوویەكی پر سەروەری و شانازی لە سەر ئاستی ناوچەكە و عێراق و هەموو كوردستان .خاوەن ئەزموون و مێژوویەكی پڕ  داستانی ڕاستەقینەی مەردایەتیی و شكۆمەندییە بۆ نەتەوەیی كورد ، ئەو رێبازە كوردانەیە هەمووكات  پشتی بە خواو میللەتەكەی  بەستووە بە خاوەن بیروهزرێكی دیموكراسیانە و ئاشتیخوازانە و ئازادیخوازانەیە بۆیە، بە هەموو نەتەوە و ئایین و ئایینزاكانی توانیویەتی هەمووان لە دووری خۆی بۆ یەك ئامانجی رەوا  كۆبكاتەوە و، ئەویش ڕێبازی كۆڵنەدان و ڕەتكردنەوەی  پارتی وبارزانییە ، هەرئەمەش وایكردووە كە بە درێژایی مێژوویی خەبات و قوربانیدان ، پارتی وەكو پارتێكی بەهێز و پێشەنگ و پێشكەوتوو بمێنێتەوەو بتوانێ لە سەرجەم قۆناغە جۆربەجۆر و جیاوازەكاندا پێشڕەوی خەباتی كوردایەتی و تێكۆشان بێت.
پارتی قۆناغ بە قۆناغ و زۆر ژیرانە و وربینانە ، لە بزاڤی رزگاریخوازی كوردستان چ لە بواری خەباتی پێشمەرگایەتی و چەكداری و چ لە بواری سیاسی ، كۆمەڵایەتیی و دیپلو|َماسییشدا هەنگاو بە هەنگاو بەرەو پێشەوە ، دەستكەوتی گەورە و بێ‌ شوماری تۆمار كردووە ، كە هەژمار كردنی ئەو شانازییە گەورانە ئەستەمە . سەرەڕای قوربانیدانی بێ‌ شومار و لە پێناو پارێزگاریكردن لە خاك و نیشتیمانی و چیا و دۆڵ و  هەموو كوردستانیان بە هەموو بیرو باوەركانییەوە كە بەكردەوە سەڵماندوێتی كە بەرژوەندییە باڵاكانی كوردستان پێش هەموو بەرژوەندییەكی حیزبی و شەخسین .
پارتی ئەو قوتابخانەیە كە توانیی بیروهزری پێكەوە ژیان و یەكترقبووڵكردن و ژیانێكی ئاشتیانە و جوان  لە نێو  كوردستان فەراهەم بكات و كوردستان بكاتە ، فاكتەر وكارتێكی بەهێز بۆ زیاتر سەڕنجراكێشانی وڵاتانی ناوچەكە و جیهان بەرەو كوردستان و بەهێزبوونی سەنگ و پێگەی هەرێمی كوردستان . پارتی دیموكراتی كوردستان، بەهەموو توانای خۆیەوە لە هەوڵی چەسپاندنی مافە دەستوری و یاساییەكانی سەرجەم پێكهاتەكانی كوردستانە لە نێو دەستوری داهاتووی كوردستان و لەهەوڵی ئەوەشدایە گشت خەڵكی كوردستان خۆیان بە خاوەنی ئەم دەستورە بزانن و ببێتە گرێبەستێكی هەمیشەیی بۆ پاراستن و زامنكردنی سەرجەم مافەكانی گەلی كوردستان بە پێكهاتە و هەروها گرنگیەكی زۆر تایبەتی بە سەرجەم پێكهاتەكانی كوردستان داوە ، هەر بۆیەشە پارتی وەك هاوبەش و خاوەن خاك و نیشتیمان هەڵسوكەوتیان لەگەڵ دەكات . ڕاستە پێكهاتەكان تایبەتمەندی خۆیان هەیە و چەندین حزبی سیاسی خۆشیان هەیە كە بەشێكیان مێژویان بۆ سەردەمی شۆڕشی مەزنی ئەیللوول  دەگەڕێتەوە و بەشێك بوونە لە خەباتی چەكداری دژ بە ڕژێمەكانی عێراق، بەڵام هیچیان نەبوونەتە چەترێك بۆ سەركردایەتی كردنی زۆرینەی پێكهاتەكەیان پەرتەوازەیی و زۆری ژمارەی لایەنە سیاسیەكانی پێكهاتەكان فاكتەری سەرەكین لە دروستكردنی گوتارێكی سیاسی هاوبەشی نێوانیان .

پارتی دیموكراتی كوردستان هەر  لە رۆژی دامەزراندنییەوە تا بە ئەمڕۆ هەوڵی داوە، گیانی برایەتی و یەكبوون و  خۆشەویستی بۆ كورد وكوردستان  بڵاو بكاتەوە و بە یەكپارچە تەماشای كوردستان بكات و، بیركردنەوە و قوربانیدان لە پێناویدا یەكێك لە ئەركە گرنگ و سەرەكیەكانی بووە و، سەركەوتنی بەرچاو و گرنگیشی لەو بوارەدا بەدەست هێناوە؛ هەر لە زاخۆ تا خانەقین سەدان پێشمەرگە و كادیر و رۆشنبیری پەروەردە كردووە و تا خزمەتكاری دۆزی رەوایی گەل و نیشتیمانەكەیان بن .
پارتی دیموكراتی كوردستان، بزاڤی ڕزگاریخوازی دوێنی و ئەمڕۆیی خەباتی شارستانی  هەردەم  لەڕووی هۆشیاری و هەستی نیشتمانپەوەری  و نەتەوەیی و كۆمەڵایەتی و گشت بوار و لایەنەكانی ترەوە، چووە قۆناغێكی پێشكەوتۆوە و گەشەسەندنێكی سەردەمییانەی بەخۆیەوە بینیووە و لە گشت قۆناغەكاندا زۆر بە ژیرانە خۆی گوجاندووە و  هەر ئەوەشە وایكردووە كە دوای 75 ساڵ هەر بە گەنجیی و پر وزە و بەهێز بمێنێتەوە  دەتوانین بڵێین دامەزرانی پارتی دیموكراتی كوردستان سەرهەڵدانی قۆناغێكی نوێیە لە مێژووی كوردستاندا بە ئاڕاستەی تەبایی و بەدەسهێنانی مافەرەواكان