2021-08-09 [04:56 AM]

دوژمنان وداگیركەرانی كوردستان بە درێژایی مێژوو دوێنی و ئەمڕۆ خەباتیی گەلەكەمان ، هەمیشە ویستە رەوا و ستراتیژییەكان و لە پاڵیشدا رابەر و سەركردە تێكۆشەرو خەباتگێركانی كوردستانیان بەردەوام كردۆتە نێو سێرەی پیلانگێری و تیرە ژەهراوییەكانیان و هەموو هەوڵیكی نەزۆك و قرێژیان داوە تا بەربەرست لەبەردەم كاروانی خەبات و تێكۆشانمان دروست بكەن . یەكێك لەو پێشمەرگە،ڕابەر و سەرۆكە تێكۆشەر و فیداكار و نیشتیمانپەوەرانە سەرۆك مسعود بارزانییە ، كە هەڵسوكەوت و خەسڵەتە نەتەوەپەوەری و نیشتیمانپەوەرییەكانی پێناسەن بە خاك ، ئاڵا و سەربەخۆیی و خۆراگریی نەتەوەیەكی ستەمڵێكراو و شەهیدپەوەر كە نموونەی كەسایەتیی كارێزمایی یان كەم وێنەیە و وەك ئەستێرەیەكی درەشاوە لە نێو ئاسمانی خەبانی كوردایەتیی و شانازییەكی هەمیشەیی بۆ نەتەوەكەمان بە شانازیی دەمێنێتەوە و ئاستەمە جارێكی تر كەسایەتیی بەرێزیان دووبار ببێتەوە . مێژوو گەواهیدەری ئەو راستییەیە و كەسایەتیی و پێشمەرگەیایەتیی و خەباتی بەردەوامیان پێوستی بە هیچ بە شان و باڵ گووتیی دا نییە ، بەڵكو كردەوەكان ، شەونخوونی و خۆشەویستی بۆ نەتەوە و نیشتیمانەكەی ئاماژەن تایبەتمەندبوونی رابەرایەتیی بەرێزیان كە چیا و دەشت و دۆڵ و ئەشكەوت و لووتكەی بەرزی چیاكان ئاماژەیەكی ئەو راستییەن. هەروەها كەسایەتیی متمانەپێكراویی بەرێزیان لە رووی سیاسی ، دیپلۆماسی و پێشمەرگەیایەتیی لە سەر ئاستی كوردستانیی ، عێراقی و هەرێمایەتیی و نێودەوڵەتیی ئاماژەن بە پێگە و كەسایەتیی جەنابیان بەتایبەت كە لە كاتە سەخت و هەستیارەكان و لە كاتی پرسیارە بێ‌ وەڵامەكاندا و دۆزینەوەی چارەسەر سەرۆك بارزانی و بارەگای بارزانیی باشترین وگونجاوترین شوێنە .بۆیە، دەتوانین بڵێن كە رابەرایەتیی و كۆتا بریاریش هەر دەگەرێتەوە بۆ لایی پێشمەرگە، بارزانیی. لە ماوەی پەنجاونۆ ساڵ خەبات و تێكۆشانی بێ‌ وچانی سەرۆك بارزانیی ، بە چەك و هیممەتی پۆڵایینی داكۆكیكاری توند بووە بۆ بەدەسهێنانی مافەرەوا زەوتكراوەكانی نەتەوەكەی و هەر شوێنكی ئەم كوردستانە دیار بكەیت شوێن دەست و پێی پێشمەرگایەتیی و خەباتیی پێشمەرگەیایەتیی سەرۆك بارزانیی پێوە دیارە و لە رووی سیاسی و دیپلۆماسییشەوە ، چەندین ساڵە لە هەر شوێنكەوە دەرفەت هەبوو بێت كاری بۆ ناساندن و گەیاندنی پەیامی رەوایی گەلەكەی بۆ وڵاتانی ناوچەكە و دوونیا كردووە . بارزانی رابەر، هەر لە یەكەم ڕۆژی پێشمەرگایەتی ، لە خەمی هاوسەنگەران و نەتەوەكەی بووە ، خەبات و فیداكاری بۆ گەل و نیشتیمانەكەی پێش هەموو بەرژوەندییەكی تر بووە ، ئەوەش تایبەتمەندی سەرۆك و سەلمێنەری ئەو ڕاستیە كە ئەوەی سەرۆك بێت دەبێت پێشمەرگە بێت، خەسڵەت و رەفتار و و بیروبۆچوونەكانی، پڕاوپڕ پێشمەرگەبێت و ئەمەشی بە كردار سەلماندووە وەك ھاوسەنگەر و ھەڤاڵانی شاھێدی ئەو ڕاستیەن. سەرۆك بارزانیی لە مێژوویی پێشمەرگایەتیی و ئەمرۆش دا خاوەینی چەندین داستانی نەبەردی و قارەمانیی بێ‌ وینەیە و بەهۆی نەخشە و ستراتیژی گونجاو و ژیرانە توانیوێتی سەركەوتنی گەروە بە سەر دوژمنان و داگیركەرانی كوردستان بهێنێت و بەتایبەت ئەگەر ئاماژە بۆ شەڕی جیهانی تیرۆریستانی داعش و ئینجا داستانی بەرگری پردێ‌، سحێلا و مەحموودیە بكەین ، كە پێشمەرگەبوونی سەرۆك بارزانیی هەمیشە قەڵایەكی پۆڵایین ، رٍابەری ئەنفاڵكراوان ،كەسوكاری كیمیابارانكراوان و هەزاران شەهیدە و هیوای دڵسۆزان و پێشمەرگە و نەتەوەیەكە ..