2021-08-05 [03:31 AM]

بەری سیهــ و هەشت ساڵا ئانکۆ ل ٣١/٧/١٩٨٣   رژێما به‌عسا دەستهەڵاتداریا عیراقێ شێوازێ دژبەریا گەلێ کورد یێ ئازادیخواز ئەو شێوازێ هەر ل دامەزراندنا دەولەتا عیراقێ گرتیە بەر کۆ بەهنگاریا چەکداری و ب عەرەبکرنێ و ڤەگۆهاستنا کوردستانیا بۆ ل دەڤەرێن خۆ یێن ڕەسەن گۆڕی بۆ بجینۆسایدکرنا گەلێ کورد نەخاسمە ئەوێن شۆڕەشگێری و دناڤ شۆڕەشێ دا . 
جینۆسایدکرن و شەهیدکرن و بێ سەرۆشوووونکرنا هەشت هزار بارزانیا ئەوێن ژبەر هەڵویستێن کوردایەتیێ و نەتەوایەتیێ ل دەڤەرێن خۆ  ڤەگۆهاستینە دەوروبەرێن هەولێرێ و ل کۆمەڵگەهێن زۆرەملی ئاکنجی کری و پاشا ل رۆژەکا وەکی ئەڤرۆ ب ڕەنگەکێ هۆڤانە و دوور ل ڕەوشتێن مرۆڤایەتیێ و ئایینێن ئاسمانی هەمی ڕەگەزێن نێر لێ گرتی و بێ سەرۆشوون کری هەر ل تەمەنێ چاردە پازدە سالی سەرڤەتر هەتا کالێن حەفتێ هەشتێ ساڵی ،   ئەڤ تاوانا هۆڤانە کۆ نە تنێ گرتن و بێ سەرۆشوونکرنا هەشت هزار زەڵاما بوو ، بەلکی ئێتیمکرنا هزاران زارۆکا و ژێک دۆرکرنا چەندین گەنجێن د دەستگیریێ و بۆک و زاڤاێن چەند هەیڤی بوو ، دیسان دانانا بارێ گراێ سەرپەرشتیا خێزانێ لسەر ئافراتا کورد و بارزانین ژبلی ئاریشێن دیتر یێن خێزانی و جڤاکی و دەروونی . 

ئەڤ تاوانە ب ڕەنگەکێ نە راستەوخۆ دانپێدانا رژێما عیراقێ بۆ ب شکەستن خۆ یێن لەشکری دژی بزاڤا رزگاریخوازیا کوردستانی ب رێبەریا پارتی دیموکراتی کوردستان و سەرۆک بارزانی ، چونکی هەمی هەوڵێن وان  یێن لەشکری ب چەکێ خۆ یێن پێشکەفتی و ژمارا لەشکرێن خۆ یێن بێ هاوتا بەرامبەر بزاڤا رزگاریخوازیا کوردستانی و شۆرەشا ئیلونێ و گوڵانێ تۆشی شکەستێن مەزن بوون ، لەوما پەنابرە بەر ڤێ تاوانا مەزن کۆ دیتنا وان ئەو بوو ئەڤ گاڤا وان دێ کاریگاریێن نەرێنی لسەر شۆرەشگێرێن کورد و پارتی و سەرکردایەتیا وێ کەن .
   
ڕاستە ژلایێ دەروونی کارگەریەکا زۆر لسەر ماڵبات و زارۆکێن بارزایێن جینۆسایکری کر و برینێن مەزنن کۆ هەتا نهۆ سارێژ نەبوونە ، لێ ئارمانجا رژێمێ بدەست نەهات ، چۆنکی ئافرەتێن بارزانا شیان ب سەربلندی روولێ زەڵامی بگێرن و ب باشترین شێواز زارۆیێن خۆ پەروەردە و مەزن بکەن و هەستا نەتەوایەتی و نشتیمانی د دل و دەرۆنێ واندا بچینن و ئارکێن ئافرەتێ و زەڵامی ببینن و خۆ لهەمبەر وێ تاوانا مەزن ڕابگرن . 
ئەو زارۆکێن ب وێ دەردەسەریێ بێ باب و مام و برایێن مەزن پێگەهاندی ئەڤرۆ پێشمەرگەهــ و شۆرەشگێر و زانا و رەوشەنبیر و پلەدارن . 
ئافرەتا بارزانی ئەو ڤاڵاهی ب سەربەرزی پڕکرەڤە ، ئەڤەژی بۆ تەڤایا گەلێ کورد جهێ شانازیێ یە ، ژلایێ سیاسی ژی دیسان مەبەستا رژێما عیراقێ بجهــ نەهات و خەتیرا شۆرەشا کوردستانی ک شۆرەشا گوڵانێ بوو بسەرپەرشتیا پارتی دیموکراتی کوردستان و رێبەریا سەرۆک مەسعود بارزانی  گەشتر و پڕ دەسکەفتر بوو و لسەر ئاستێ دبلۆماسی ژی هەتا رادەیەکێ پاش پەیوەندیێن شۆرەشێ چ دگەل پارتیێن ئۆپۆزسیۆنێن عیراقێ یا لگەل ژمارەکا وەڵاتێن هەرێمی و جیهانێ پێشڤەتر چوون ، لسەر ئاستێ پەیوەندیێ پارتیێن کوردتانی ژی ئاشتەوایی و ئێکرێزیەکا باشتر ل بەرێ دروست بوو . 

پرۆسێن بناڤ ئەنفالا دژی گەلێ کورد و کیمیابارانکرنا هەلەبچە و گەرمیا و بادینان و ....هتد  پشتی پرۆسا جینۆسایدکرنا بارزانیا  رژدبوونا رژێما بەعس بوو لسەر هەمان باوەریا بەری نهۆ مە دیارکری .
د ئەنجام دا ئیرادە و خۆڕاگریا ماڵباتێن بارزانیێن جینۆسایکری کۆ تنێ تاوانا وان کوردبوون و بارزایبوون بوو بسەر پیلان و کار و کریارێن رژێما گۆر ب گۆڕا بەعسا عیراقی بسەر کەفتن و بەرهەم و هیڤی ئارمانجێن جەندین سالا خەبات بۆ کری و قوربانی بۆ دای بەرهەمدار بوون و گەهین ئەو ژی ئازادی رزگاریا کوردستانێ بوو و بوونە ستێرەگا گەش د ئەسمانێ خۆڕاگری و بەرخودان و ئازادیێ دا لسەر ئاستێ جیهانێ و هەتا هەتا جهێ شانازیا گەلێ کوردن .
ئەو رژێما هۆڤانە و دژی مرۆڤانە و دژی ئازادیێ و مرۆڤایەتیێ ب رێبەر و سەرکردێن خۆڤە ب روو ڕەشی و شەرمزاری چۆنە د زبڵدانا دیرۆکێ دا و بۆ هەتا هەتا مرۆڤ پەروەر و ئازادیخواز لسەر ئاستێ جیهانێ نەفرەتا لێ دکەن .