2020-01-14 [01:53 AM]

ZNA- Hewrêr

Serokê Herêma Kurdistanê Nêçîrvan Barzanî derbarê gotinên Emîndarê Giştî yê Hizbullaha Lubnanê, Hesen Nesrullah daxuyaniyek belav kir û tê de ragihand ku cihê mixabiniyê ye ku kesekî weke Nesrullah bêyî berçavgirtina rola dîrokî ya Serok Mesûd Barzanî, hestên gelê Kurdistanê birîndar bike.

Deqa wê daxuyanîyê:

“Birêz Hesen Nesrullah, emîndarê giştî yê Hizbullaha Lubnanî di gotarekê de, dûr ji şêwaz û etekêtên sîyasî, bi awayeka nehejî derheq bi serok Mesûd Baraznî û qurbanîdan û qehremanîya Pêşmerge axivtîye. Cihê daxê ye keseke wek birêz Nesrulla bê li berçavgirtina rola dîrokî ya Serok Barzanî li berengarbûna rijêmên diktator û rola meydanîya wî di têkşikandina DAIŞê de, bi vî awayî hestê gelê Kurdistanê birîndar bike.

Serok Barzanî tevaya temenê xwe di berengarbûna zorê û zordaran de û ji bo azadîya gelê xwe bexşîye. Di şerê berngabûna Daişê jî de, wek fermandeyê hêza Pêşmerge bi awayeka rasterast a meydanî û li gel hêza Pêşmerge di çeperê de roleke qehremanane leyîzye, ku hemû gelê Kurdistanê û piranîya serkirdeyên cîhanê azayî û qehremanîya Pêşmerge û cenabê serokî şahidî dan.

Gelê Kurdistanê tim hevkarîyên dostên xwe dizane û li ber çavane û supasîya hemûyan ewên dike li şerê DAIŞê alîkarê Herêma Kurdistanê kirîne, û birêz û hurmet ve li piştgîriya wan dinere û qet jibîr nake.

Gelê Kurdistanê û Pêşmerge zêdetir ji sedeyekê ye, berengarî mizitirîn û hovanetirîn hêrişên qirkirinê dibe, di şerê DAIŞê de jî, Herêma Kurdistanê parastin û beşdarbûn di parastin û rizgarkirina gelek cihên din yên Iraqê, îro jî, parastina aştî, bifevre jiyanê û berengarbûna terorê, bi erkê xwe yê herî pêşîn dibînin di demkê de ku rewşa deverê wiha dixwaze em hemû kar bo aramkirin û vegeran seqamgîriyê bikin.

Nêçîvan Barzanî

Serokê Herêma Kurdistanê

13.1.2020”