2016-02-21 [11:42 AM]

Hewlêr (ZNA) - Balafirên şer ên hevpeyman 20 caran êrişî avahî û navendên DAIŞê yên li nav bajarê Mûsilê kirin.

Şeva borî baregeh û avahiyên DAIŞê yên li nav Mûsilê rastî êrişeke giran a balafirên şer ên hêzên hevpeyman hatin. 

Berpirsekî Artêşa Iraqê ku nexwestiye navê xwe aşkere bike, ji medyayê re ragihandiye, balafirên şer 20 caran êrişî DAIŞê kirin û li 5 armancan dan. 

Berpirsê Iraqî daye zanîn, balafiran 2 kargehên çêkirina bombeyan li taxa Wadî Egab dane ber bombeyan û ji nav birin.

Wî rayedarê iraqî tekez kir, ku artêşa Iraqê xelkê Mûsilê agahdar dike ku li nêzîkî baregeh û avahiyên DAIŞê nebin da ku di dema êrişên balafiran de zirar negihîje wan.