2016-02-20 [11:54 AM]

Hewlêr (ZNA) – Serokwezîrê Iraqê Heyder Ebadî nêzîkî 100 rêvebirên giştî û bi sedan rêvebirên beş ji kar dûr dixe û postên wan hildiweşîne.

Li gor zayariyên ji medyayên Iraqî ve, Serokwezîrê Iraqê Heyder Ebadî di çarçoveya proseya reformên xwe de nêzîkî 100 rêvebirên giştî û bi sedan rêvebirên beş ji kar dûr dixe.

Li gor medyayên Iraqê, ofîsa ragihandina serokatiya wezîran a Iraqê ji zarê Berdevkê Fermî yê Encumena Wezîran Seid Hedîsî ve aşkere kiriye, ku komîteyên taybet ên wezaretan ku jibo jinûve danîna peykerê wezaretan û hikûmetê hatine erkdarkirin, di raportên xwe yên bi sekretariya giştî ya Encumena Wezîran de daxwaza hilweşandina postên 100 rêvebirên giştî kirine.

Ewên ku postên wan tên hilweşandin û ji kar tên dûrxistin, rêvebirên giştî û xwediyên pileyên taybet in û hemû wezaretan jî li xwe digre.