2016-02-16 [11:33 AM]

Hewlêr (ZNA) - Serokwezîrê Iraqê Heyder Ebadî ragihand, lidarxistina referanduma serxwebûna Kurdistanê dê têkiliyên navbera Bexda û Hewlêrê aloztir bike.

Serokwezîrê Iraqê Heyder Ebadî di dîdareke ligel televîzyona fermî ya Iraqê de, ragihand: "Referanduma Herêma Kurdistanê egereke bo zêdekirina alozîyê di nevbera Herêma Kurdistanê û Bexdayê de."
 
Heyder Ebadî herwiha got: "Berjewendîya Kurd û hemû Iraqîyan di wê yekê de ye ku bi hev re bimînin."
 
Serokwezîrê Iraqê behsa şandina petrola Herêma Kurdistanê bo derve û arîşeya nedana mûçeyên karmendan li Kurdistanê kir û got, Herêma Kurdistanê pereyê wê petrola ku difiroşe, werdigre, lê belê nizanim, çima di dahata petrola Kurdistanê de zelalî nîne.

Ebadî herwiha amaje bi wê yekê jî kir, ku eger Herêma Kurdistanê bi rêya Bexdayê re petrolê bifiroşe û bişîne, wê çaxê ew dê mûçeyên fermanberên Kurdistanê bişînin.