2016-02-15 [01:51 AM]

Hewlêr (ZNA) - Serkirdeyê diyar ê Sunneyên Iraqê Ednan Dilêmî ragehand, dabeşkirina Iraqê çareseriya pirsgirêkên vî welatî ye. Iraq niha dabeş bûye. Ji ber şerê Şîe û Sunne û Kurd dabeş buye lê tenê biryara siyasî derneketiye.

Ednan Dilemî dibêje Şîe dixwezin xwe ferz bikin û Iraq kontrol bikin. Ji tirsa Şîe yan Sunne navên zarokên xwe nevêrin bikin Omer û Ebubekir.

Ednan Dilemî ji ajansa Anadoluyê re axift û ji bo pirsgirêkên Iraqê dibêje: ‘’Li gor min rewşa Iraqê her waha bimîne û berdewam bike bêgoman Iraq dê dabeş bibe. Ji xwe naha dinavbeyna Kurd, Şîe û Sunne de dabeş buye û eva rastiyeke. Pêwîste em gêj neken Iraq naha dabeşbuye. Tenê biryara siyasî ya di vê derbarê de tineye. Kurd 20 sal zêdetire herêma wan cudaye û mafê wan heye. Ji ber ku rewşa Iraqê wiha dixwaze ku hikûmetekî ne navendparêz pêwîste.’’

Di derbarê plana li dijî Sunneyên Iraqê jî navborî diyar kir:’’ Plana navnetewî li dijî Sunne ne di rojevê de ye. Lê planekî Îran û Şîe dibe hebe. Ji ber ku Îranê Iraq vêran kir û dixwaze tola sere Îran û Iraqê bistîne ku Iraqê di wî şerî de serkeftinên giring li hember Îranê bidest xistibun.

Îran bi serbirîna Sunneyan, kuştin û koçberkirinê û vêrankirina navçeyên Sunne dixwaze tola xwe bistîne. Şîe dixwazin hemû Iraqê têxin destê xwe.’’