2016-02-10 [12:01 PM]

Hewlêr (ZNA) - Tîmên Amedspor û Fenerbahçeyê duh li hemberî hev lîstin. Amedsporê 3 gol avêt û 3 gol jî xwar.

Tîmên Amedspor û Fenerbahçe, di çarçoveya yariyên çarîkfînalê yên Kûpa Ziraatê ya Tirkiyê de, hatin hemberî hev.

Yariya han duh sêşemî saet 13:00 bi dema Amedê dest pê kir. Lîstikvanên Amedsporê  di 30 saniyeyên destpêkê de bê hereket man û cezayê li ser tîma xwe protesto kirin.

Amedsporê di xuleka 10an de golek avêt Fenerbahçeyê û Fenerbahçeyê jî di xuleka 20an de bersiva Amedsporê da. Paşê di xulekên dawiyê yên nîva yekem de jî Fenerbahçe golek din avêt Amedsporê. 

Di nîva duyemîn a lîstikê de, Amedsporê xwe gij kir û 2 gol avêtin Fenerbahçeyê, lê Fenerbahçeyê di xuleka 76an de bersiva Amedê da û encam bi skore 3-3 dawî hat.