2019-05-19 [12:25 PM]

Hewlêr (ZNA) -

Hikûmeta Iraqê bi baheneya tekoşîna dijî DAIŞê ve du lîwayên nû yên polîsê federal rêkirin sînorê Kerkûkê, lê parlamenterên kurd dibêjin armanca hikûmeta Iraqê tekoşîna li dijî DAIŞê nîne û li vê yekê jî bi guman in.

Parlamenterên kurd ji vê pêngava hikûmeta Iraqê bi guman in û li gor wan rêkirina wan her du lîwayên polîsê federal ê Iraqê, hevdem e li gel destpê kirina berfireh kirina proseya erebkirinê li sînorê Kerkûkê û navçeyên Kurdistanê yên dervey îdareya herêma Kurdistanê.

Parlamenterê PDKê li encûmena nûnerên Iraqê Diyar Berwarî ji K24ê re ragehand: ‘’Ev yek cîhê gumanê ye û divê demekî herî zû de sê serokatiyên Iraqê bêne ser xetê û lijneya taybet bo bicîhanîna madeya 140 bê çalak kirin. Ji ber ew navçeyane demekî dirêje bin kontrola Pêşmerge de bûn û aramî li wan deveran hebû. Lê naha dixwazin navçeyê têkbibin û bi rêya hêza leşkerî ve li ser navçeyê hukim bikin û hemû saziyên ewlehiya polîs û artêş û bi alîkariya parêzgerê sepandî ve hewla ereb kirina wan sînorên Kerkûkê didin û rewş xirab e.’’

Li gor zanyariyên li herêmê, çend rojên borî de li sînorê Dubiz, Xaneqîn û gundên din ên Kerkûkê bi şev, erebên ku anîne navçeyê genim û dexl û danê cotyarên kurd dirûtin û herwaha agir berdane genim û li sînorê Xaneqînê di heftiyekî de çar kes şehîd kirin.