2019-05-16 [10:49 AM]

Hewlêr (ZNA) -

Li rojhilatê Ugandayê di bûyerekî hatûçûnê de 19 kesan jiyana xwe ji dest dan, 6 kes jî birîndar bûn.

Li gor nûçeya çapemeniya herêmî berdevkê polîsê herêma Kapchorwa Rogers Taitika ragehand, di rêya Kapchorwa û Sipi de otobûsa ku karmendên rêxistinên civakî yên sivîl tê de bûn ji kontrolê derketiye û qulibiye.

Taitika got: ''Di bûyerê de 19 kesan jiyana xwe ji dest dan, 6 kes jî birîndar bûn.’’

Herwaha got, birîndar ji nexwaşxaneyan re hatine veguhestin û hêzên ewlehiyê derbarê bûyerê de lêpirsîn daye destpê kirin û nîgeranî heye ku hejmara miriyan zêde bibe.