Hewlêr (ZNA) - Şêwirmendê encûmena asayîşa herêma Kurdistanê Mesrûr Barzanî li gel balyozê Brîtanya li Iraqê û şandeya li gel civiya.
Îro 15.05.2019ê şêwirmendê encûmena asayîşa herêma Kurdistanê Mesrûr Barzanî pêşwazî li balyozê Brîtanyayê li Iraqê Jonathan Wilks û şandeya li gel kir û çend pirsgirêkek hatin gotûbêj kirin.
Di hevdîtinê de ku konsolê giştî yê Brîtanyayê li herêma Kurdistanê Martin War jî amade bû, pêşketinên navçeyê û pêngavên pêkanîna hikûmeta herêma Kurdistanê û pêşveçûnên peyvendiyên navbera Hewlêrê û Bexdayê hatin guftûgo kirin.
Hevdîtinê de pirsgirêk û tengezariyên Kerkûk, Şingal û hemahengiya navbera hêzên Pêşmerge û artêşa Iraqê ya li dijî terorîstên DAIŞê hatin gotûbêj kirin. Mesrûr Barzanî balkêşa ser guftûgoyên navbera Bexda û Hewlêrê û hêvî xwest ku di pêşerojekî nêzîk de ew guftûgo dê bigehin encamekî û pêwîst zanî ku vê derbarê Brîtanya rola xwe ya erênî bigre serxwe ku di berjewendiya çareseriyê de be.
Balyozê Brîtanyayê jî keyfxweşiya xwe ya li hember pêşkeftinên herêma Kurdistanê û berdewambûna guftûgoyên navbera Bexda û Hewlêrê anî ziman û piştevaniya welatê xwe bo pêşketina peyvendiyan û alîkarî dayîna herêma Kurdistanê ya di hemû aliyan de diyar kir û hêviya serkeftinê di serokatiya kabîneya nû ya hikûmeta herêma Kurdistanê de ji Mesrûr Barzanî re xwest.
2278 car hatiye dîtin |