2019-05-06 [10:15 AM]

Hewlêr (ZNA) -

Ji aliye tîmên jinavbirina mayîn û teqemeniyan a rêveberiya giştî ya karûbarên mayînan / Hewlêrê ve li sînorê bajarokê Koye hejmarek mezin mayîn hatin jinavbirin.

Rêveberê çalakiya mayînan a ser bi rêveberiya giştî ya karûbarên mayînan / Hewlêr Muxlîs Şerîf di daxuyaniyekê de ragehand: ‘’Di berdewama kar û çalakiyên duh 05.05.2019ê ji aliyê tîma EOD ya ser bi rêveberiya giştî ya karûbarên mayînan /Hewlêrê ve li gundê Susê ya ser bi Koye hejmarek mezin mayînên dijî kes ên cureya V69 hatin jinavbirin.’’

Herwaha got: ‘’Di heyama borî de jî li sînorê bajarokê Mêrgesor û devera Balekatiyê hejmarek mezin mayîn hatin jinavbirin û ji bo parastina giyanê hemwelatiyan li ser kar û çalakiyên xwe emê berdewam bikin.’’