2019-05-05 [09:28 AM]

Hewlêr(ZNA) -

Di encama êrişeke Yekîneyên Parastina Gel (YPG) li ser xalên artêşa Tirkiyê li Efrînê, efserekî tirk hat kuştin û serbazek jî birîndar bû.

Duhî Wezareta Berevaniya ya Tirkiyê ragihand, YPGê ji bajarokê Til Rifatê ve êrişî hêzên wan yên li Efrînê kiriye û di encamê de efserekî wan hatiye kuştin û serbazek jî birîndar bûye.

Li gorî agahiyên Wezareta Berevaniya Tirkiyê, piştî êrişê artêşa Tirkiyê bersiva wê êrîşê daye û xalên YPGê li Til Rifatê û derdora wê topbaran kiriye.

Çend roj in şer û pevçûn di navbera artêşa Tirkiyê û YPGê de li navçeya di navbera Efrîn, Ezaz û Til Rifetê de derdikeve û artêşa Tirkiyê bi tundî wê navçeyê topbaran dike.