2019-04-29 [10:23 AM]

Hewlêr(ZNA) -

Li bajarokê Mexmûrê yê Başûrê Kurdistanê, di navbera komek xortên kurd û serbazên Iraqî de şer derket, xortekî kurd birîndar bû, gelek jî hatin girtin.

Şeva borî li nav sûka bajarokê Mexmûrê di navbera komek xortên kurd û serbazên Iraqî de şer û alozî derket.

Çavkaniyekî li Mexmûrê ji BasNewsê re got, ew şer û alozî li ser parkkirina otomobîlê derket. Xortekî kurd otomobîla xwe li kêlela rê park kiribû, ji ber wê jî di navbera wî û çend serbazên Iraqî de alozî derket.

Wî çavkanî da zanîn, piştî ku wan serbazan li wî xortî kurd dan çend xortên din yên kurd pişta wî xortê kurd girtin û şer mezin bû. Ji ber wê jî hêzên Iraqî gule avêtin, xortek birîndar bû û 15 kes jî hatin girtin.

Li gorî agahiyên BasNewsê, piştî wê aloziyê hêzên Iraqî qedexeya hatin û çûnê ragihandin.