Hewlêr (ZNA) - Weqfa Îsmaîl Beşîkçî ya Amedê û K24ê îro li bajarê Diyarbekirê yê bakurê Kurdistanê bi navê "Di salvegera 121 saliya rojnameya Kurdistanê de rewşa medya û çapemenîya kurd” konferansek li dar xist.
Îro 27. 04. 2019an li bajarê Diyarbekirê li Jûra Bazirganî ya Diyarbekirê konferansa “Di salvegera 121 saliya rojnameya Kurdistanê de rewşa medya û çapemenîya kurd” hate lidarxisin. Di konferansê da ji Zankoya Selehedîn a Hewlêrê Dr. Megded Sapan, ji Zankoya Silêmaniyê Dr. Fuad Elî, akademîsyen Dr. Ekrem Onen, ji Zankoya Duhokê Ednan Yusif û Ubeyd Suphî, Rewan Nihêlî û ji bakurê Kurdistanê niviskar û lêkolîner Seîd Veroj gotarên xwe derbarê rojnamegeriya kurdî da belavkirin.
Gelek nivîskar, rewşenbîr û nûnerên partiyên siyasî di konferansê da amade bûn.
Rola medyaya kurdî, rojnameyên kurdî yên li derveyî Kurdistanê hatine derxistin, radyoyên kurdî yên li Kurdistanê û li derveyî dest bi weşanê kirine, televîzyonên kurdan û rewşa wan mijarên gotarên akademîsyenan bûn.
2479 car hatiye dîtin |