2019-04-23 [01:17 PM]

Hewlêr (ZNA) -

Serok Mesûd Barzanî pêşwazî li nivîskar û zanayê kurd Kelîmullah Tewehudî kir. Tewehudî dibêje, bi dîtina Barzanî arizûya wî hatiye cîh.

Serok Barzanî îro li ofîsa xwe li nahiya Pîrmam ya Hewlêrê pêşwazî li nivîskar û zanayê kurd yê Xurasanê, Kelîmullah Tewehudî kir.

Tewehudî bi dîtina Barzanî got ku arizûya wî hatiye cîh. Paşê behsa kurdên Xurasanê kir, xebat û pirtûkên xwe li ser dîroka kurdan jî ji Barzanî re behs kir.

Barzanî bi germî bixêrhatina Tewehudî kir û hewl û xebatên wî bo nivîsîna dîroka beşek ji gelê kurd bi qîmet zanî.

Serok Barzanî her wiha destxweşî li wî nivîskar û zanayê kurd kir ku kariye huner û çanda kurdên Xurasanê zindî bihêle.

Nivîskar û zanayê navdarê kurd Kelîmullah Tewehudî duh li Hewlêrê ji aliyê Akademiya Kurdî ya Kurdistanê ve hat xelatkirin. Di merasima xelatkirina wî de Serokwezîr Nêçîrvan Barzanî jî amade bû.