Hewlêr (ZNA) - Serokwezîrê Herêma Kurdistanê Nêçîrvan Barzanî ragihand, gîrobûna pêkanîna hikûmetê tiştekî normal e lê partiyên siyasî divê her bigihên rêkeftinê.
Nêçîrvan Barzanî îro di merasima xelatkirina nivîskar û vekolerê navdarê kurd Kelîmullah Tewehudî de li Hewlêrê li ser pêkanîna hikûmeta nû ya Kurdistanê jî axivî û ragihand, zêdetirî 6 mehan e hilbijartin hatine kirin lê heta niha hikûmet pêk nehatiye.
Serokwezîrê Herêma Kurdistanê anî ziman ku gîrobûna hikûmetê tiştekî normal e û got, berjewendî û xêra Herêma Kurdistanê wisa dixwaze ku hikûmet li ser hemdê xwe pêk were da ku hikûmetek bihêz û Kurdistaneka bihêz pêk were.
Nêçîrvan Barzanî da xuyakirin ku dê partiyên siyasî her bigihên rêkeftinê û got, ya ku bo me girîng e yekrêzî û tifaq e. Em hewl didin alozî û nakokî dernekevin. Piştrast bin rojên xweş li benda Kurdistanê ne.
2488 car hatiye dîtin |