Hewlêr (ZNA) - Îro 22.04.2019ê serokê hikûmeta herêma Kurdistanê Nêçîrvan Barzanî di gotarekî xwe ya di merasîma rêzgirtina akademîsyenê kurd ê Xorasan a Rojhilatê Kurdistanê nivîskar Kelîmulla Tewehudî de gotarek pêşkeş kir.
Nêçîrvan Barzanî bixêrhatina Kelîmulla Tewehudî bo herêma Kurdistanê kir û ragehand, Hewlêr û herêma Kurdistanê û hikûmeta herêma Kurdistanê jî serbilind e bi serdana mamosta Tewehudî û got: ‘’Em hemû serbilindin bi xebata rewşenbîrî û hunerî ya mamosta Tewehudî, ku xebateke ji bo geşkirana pêşeroja gelê Kurdistanê.’’
Barzanî destxweşî li akademiya kurdî kir, bo vexwandin û xelat kirina wî nivîskarê kurd û ragehand, ev merasîme bûyerekî di dema xwe de û di cîhê xwe de ye.
Nêçîrvan Barzanî amaje bi wê yekê jî kir, ku îro rojnamegeriya kurdî ye, pîrozbayî li rojnamevanên Kurdistanê kir û silav bo damezrênerên yekem ê rojnameya kurd (Kurdistanê 1898) Mîqdad Medhed Bedirxan û rojnamevanên mezin ên wek Pîremêrd ê nemir, Husên Huznî Mukiryanî, Dara Tofîq, Salih Yusifî, Şakir Fetah û Musa Enter silav kir.
Serokê hikûmeta herêma Kurdistanê mana gelê Kurdistanê bi pêkvejiyana olî, netewî û mezhebî wek serbilindiya herî mezin a gelê Kurdistanê pênase kir û got: ‘’Kurd li her kîderê bin bo yek armanc û yek pêşerojê jiyana xwe domandine.’’
Nêçîrvan Barzanî ragehand, sedemên siyasî yên mana gelê Kurdistanê li ser piyan, li gel hemû bela û zihmetiyan jî, ‘’Ziman û kevneşopiya kurdî bûye,’’ ku ew jî nasnameya gel in û got: ‘’Rewşenbîr û ciwanên naha yên Kurdistanê pêwîste ji Kelîmulla Tewehudî fêrbibin, ku tenê ziman û nasname û çand li cîhanê em parastine û gelê kurd li Xorasanê jî eger li ser piya ye bi ziman û çanda xwe ve li ser piyan maye û ev belgeya herî başe ziman û çanda me em li ser piyan hiştine.’’
2434 car hatiye dîtin |